आयपीएल २०२४ स्पर्धेत राजस्थान रॉयल्स संघाने दमदार सुरुवात केली होती. मात्र स्पर्धेचा शेवट होता होता, या संघाच्या कामगिरीचा आलेख झपाट्याने खाली आला. सुरुवातीचे ८ सामने जिंकल्यानंतर राजस्थान रॉयल्स संघाला जेतेपदासाठी प्रबळ दावेदार मानलं जात होतं. मात्र शेवटच्या सामन्यांमध्ये हा संघ चांगली कामगिरी करू शकलेला नाही.
एलिमिनेटरच्या सामन्यात रॉयल चॅलेंजर्स बंगळुरू संघाला धूळ चारत या संघाने क्वालिफायर २ मध्ये प्रवेश केला. मात्र या सामन्यात या संघाला ३६ धावांनी पराभवाचा सामना करावा लागला आहे. काय आहेत राजस्थान रॉयल्सच्या पराभवाची प्रमुख कारणं ? जाणून घ्या. (Reasons Behind Rajasthan royals defeat)
हैदराबादच्या फिरकी गोलंदाजांविरुद्ध खेळताना राजस्थानचे फलंदाज पूर्णपणे फ्लॉप दिसून आले. चेपॉकच्या खेळपट्टीवर हैदराबाद संघाने आपल्या फिरकी गोलंदाजांचा योग्यवेळी वापर केला. हैदराबादकडून शाहबाझ अहमदने ३ प्रमुख फलंदाजांना बाद केलं. त्याने रियन पराग, आर अश्विन आणि यशस्वी जयस्वालला बाद करत माघारी धाडलं. अश्विनला तर त्याने शून्यावर माघारी धाडलं. अभिषेक शर्मानेही गोलंदाजीत बहुमूल्य योगदान दिलं. त्याने ४ षटक गोलंदाजी करत २४ धावा खर्च केल्या आणि २ गडी बाद केले.
फ्लॉप फलंदाजी हे राजस्थान रॉयल्स संघाच्या पराभवाचं प्रमुख कारण आहे. या संघाकडून टॉम कोहलेर आणि यशस्वी जयस्वाल हे दोघेही डावाची सुरुवात करण्यासाठी मैदानावर आले होते. महत्वाच्या सामन्यात कोहलेर अवघ्या १० धावा करत तंबूत परतला. तर संजू सॅमसन ३ आणि यशस्वी जयस्वाल ४२ धावा करत माघारी परतला.
राजस्थान रॉयल्सची सुरुवात खूपच खराब झाली. त्यानंतर मध्यक्रमातील फलंदाजांवर डाव सांभाळण्याची जबाबदारी होती. मात्र तेही पूर्णपणे फ्लॉप ठरले. हैदराबादने मोक्याच्या क्षणी फिरकी गोलंदाजांचा वापर केला आणि त्यांनी विकेट्सही काढून दिल्या.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.