IND vs WI 2nd Test Shubman Gill Number 3 Spot: रोहित शर्माच्या नेतृत्वाखाली खेळणारा भारतीय संघ सध्या वेस्टइंडीज संघाविरुद्ध दोन हात करताना करतोय. दोन्ही संघांमध्ये २ कसोटी सामन्यांच्या मालिकेतील दुसरा कसोटी सामना त्रिनिदादमध्ये सुरू आहे.
या सामन्यातील पहिल्या दिवशी भारतीय संघ मजबुत स्थितीत असल्याचे दिसून आले आहे. भारतीय संघाने पहिल्या दिवसाखेर ४ गडी बाद २८८ धावा केल्या आहेत. पहिल्या दिवशी नाबाद ८७ धावांवर माघारी परतलेला विराट कोहली आपले ७६ वे शतक झळकावण्यापासून केवळ १३ धावा दुर आहे.
शुबमन गिल ठरतोय फ्लॉप..
भारतीय संघातील सलामीवीर फलंदाज शुबमन गिल गेल्या काही वर्षांपासून भारतीय संघासाठी डावाची सुरूवात करतोय. मात्र भारत- वेस्टइंडीज कसोटी मालिकेपूर्वी त्याने सलामीला न येता तिसऱ्या क्रमांकावर फलंदाजीला येण्याचा निर्णय घेतला आहे. मात्र हा त्याचा हा निर्णय पूर्णपणे चुकीचा ठरल्याचे दिसून आले आहे.
कारण आतापर्यंत खेळलेल्या दोन्ही सामन्यांमध्ये तो पूर्णपणे फ्लॉप ठरला आहे. पहिल्या कसोटीत त्याला अवघ्या ६ धावा करता आल्या होत्या. तर दुसऱ्या कसोटी सामन्यात तो अवघ्या १० धावा करत माघारी परतला आहे.
यापूर्वी तो केवळ एकदाच तिसऱ्या क्रमांकावर फलंदाजी करण्यासाठी मैदानात उतरला आहे. वानखेडे स्टेडियमवर झालेल्या सामन्यात त्याने तिसऱ्या क्रमांकावर फलंदाजी करताना त्याने ४७ धावांची खेळी केली होती. तर डावाची सुरूवात करताना त्याने आतापर्यंत त्याने २ शतक आणि ४ अर्धशतके झळकावले आहेत. (Latest sports updates)
द्रविडसोबत चर्चा करून घेतला निर्णय..
ही मालिका सुरू होण्यापूर्वी कर्णधार रोहित शर्माने म्हटले होते की, 'शुबमन गिल आता तिसऱ्या क्रमांकावर फलंदाजी करणार आहे. त्याने द्रविडसोबत चर्चा करून हा निर्णय घेतला आहे. तो देशांतर्गत क्रिकेटमध्ये याच क्रमांकावर फलंदाजी करतो.'
त्याच्याऐवजी यशस्वी जयस्वालला डावाची सुरूवात करण्याची संधी मिळाली आहे. या संधीचा पूरेपूर फायदा घेत त्याने पहिल्या डावात शतक तर दुसऱ्या डावात अर्धशतक झळकावले आहे. तर दुसरीकडे शुबमन गिलला तिसऱ्या क्रमांकावर हवी तशी कामगिरी करता आली नाही.
त्याला याच क्रमांकावर खेळण्याची आणखी एक संधी मिळू शकते. जर या डावातही तो फ्लॉप ठरला तर टीम मॅनेजमेंट त्याच्याबाबत मोठा निर्णय घेऊ शकते.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
