Asian Games 2023: साकेथ मायनेनी,रामकुमार रामनाथन जोडीची कमाल;टेनिस डबल्समध्ये भारताला रौप्यपदक

Asian Games 2023 Day 6:

आशियाई क्रीडा स्पर्धेच्या टेनिस डबल्समध्ये साकेथ मायनेनी,रामकुमार रामनाथन यांच्या जोडीने कमाल कामगिरी केली. मात्र अंतिम सामन्यात या जोडीला पराभवाचा सामना करावा लागला आहे.

पुरुषांच्या टेनिस डबल्समध्ये साकेथ मायनेनी रामकुमार रामनाथन यांच्या जोडीला चीनी ताईपैच्या जंग जेसन आणि हसू यू-ह्सिओ या जोडीने ६-४,६-४ ने पराभूत केलं आहे.

तब्बल १ तास आणि १२ मिनिटे चाललेल्या या सामन्यात भारतीय संघ सुवर्णपदकावर नाव कोरणार असं वाटत होतं, मात्र सलग सेट जिंकत ताइपेच्य खेळाडूंनी सुवर्णपदकावर नाव कोरलं आहे.

पलक, ईशा सिंग चमकले..

महिलांच्या १० मीटर पिस्तूल प्रकारात भारतीय महिला खेळाडूंनी दमदार कामगिरी गेल्याचे पाहायला मिळाले आहे. या प्रकारात भारतीय नेमबाज पलकने २४२.१ गुणांची कमाई करत सुवर्णपदकाला गवसणी घातली आहे. तर ईशा सिगंने २३९.७ गुणांची कमाई करत रौप्यपदक पटकावलं आहे. (Latest sports updates)

आशियाई क्रीडा स्पर्धेत सहाव्या दिवशी भारताची पदकांची संख्या..

एकुण पदकं- ३०

सुवर्ण- ८

रौप्य -११

कांस्य- ११

सुवर्णपदक- ५० मीटर रायफल ३ पी (पुरुष,सांघिक)

रौप्यपदक - १० मीटर एयर पिस्तूल (महिला, सांघिक)

रौप्यपदक- टेनिस पुरुष दुहेरी

सुवर्णपदक - पलक ( १० मीटर एयर पिस्तूल, महिला)

रौप्यपदक- ईशा सिंग (१० मीटर एयर पिस्तूल)