Sachin Tendulkar Filed Case: क्रिकेटच्या देवाची पोलीस स्थानकात धाव, लोकांची फसवणूक टाळण्यासाठी घेतली टोकाची भूमिका

Sachin Tendulkar: भारतीय संघाचा माजी क्रिकेटपटू सचिन तेंडुलकर सध्या एका वेगळ्या कारणामुळे चर्चेत आला आहे.
sachin tendulkar
sachin tendulkar saam tv

Fraud With Sachin Tendulkar: भारतीय संघाचा माजी क्रिकेटपटू सचिन तेंडुलकर सध्या एका वेगळ्या कारणामुळे चर्चेत आला आहे. खोट्या जाहिराती, फोटो आणि आवाज वापरल्या प्रकरणी त्याने गुरुवारी मुंबईच्या क्राईम ब्रांचमध्ये गुन्हा नोंदवला आहे.

त्याने आरोप केले आहे की , त्याच्या आवाजाचा आणि फोटोचा वापर करून लोकांकडून पैसे उकळण्याचे काम सुरु आहे. इतकेच नव्हे तर, जाहिरातींमधून असा दावा देखील करण्यात आला आहे की, त्यांचं प्रोडक्ट खरेदी केल्यास सचिनचा ऑटोग्राफ दिला जाईल.

सचिनने तक्रार नोंदवताच सायबर सेल सक्रिय झाले असून, त्यांनी तपास करायला सुरुवात केली आहे.

sachin tendulkar
Suryakumar Yadav Memes: 'तुमचा नादच लई डेंजर,आमचा सूर्या हो गेम चेंजर' तुफानी खेळीनंतर सोशल मीडियावर भन्नाट memes व्हायरल

मिळालेल्या माहितीनुसार, सचिनच्या जवळच्या सहकाऱ्याने ही तक्रार नोंदवली आहे. त्यांचं म्हणणं आहे की, ५ मे रोजी त्यांनी तेलाच्या कंपनीची एक जाहिरात पाहिली, ज्यात सचिन तेंडुलकरच्या फोटोचा नकळत वापर केला गेला होता. sachinhealth.in असं या वेबसाईटचं नाव आहे.

इतकेच नव्हे तर, खाली असे देखील लिहिले गेले होते की, स्वतः सचिन देखील याच प्रोडक्टचा वापर करतो. त्यांनी दिलेल्या माहितीनुसार, अशा जाहिराती इंस्टाग्रामवर अजूनही सुरु आहेत.

मुंबई क्राईम ब्रांचला दिलेल्या माहितीत त्यांनी असे सांगितले गेले आहे की, सचिन अशा कुठल्याच प्रोडक्टची जाहीरात करत नाही. या जाहीरातीत सचिनच्या आवाजाचा चुकीचा वापर केला गेला आहे.

तसेच त्याच्या फोटोंचा देखील चुकीचा वापर केला आहे. मुंबई पोलिसांच्या सायबर सेलने अज्ञात व्यक्तीविरुद्ध भादंवि कलम ४२०, ४६५ आणि ५०० अंतर्गत गुन्हा नोंदवून तपास सुरू केला आहे. (Latest sports updates)

sachin tendulkar
Rashid Khan Record: सूर्याचं शतक Rashid ने फिकं पाडलं! दिग्गजांना मागे सोडत IPL स्पर्धेत रचला इतिहास

सचिन तेंडुलकरने २४ वर्ष भारतीय संघाचे प्रतिनिधित्व केले. त्याने २०१३ मध्ये आंतरराष्ट्रिय क्रिकेटला राम राम केला होता. सध्या तो मुंबई इंडियन्स संघाचा आयकॉन म्हणून काम करतोय. तसेच तो अनेक जाहिरातींमध्ये देखील झळकताना दिसून येतो. क्रिकटमधून निवृत्त झाला असला तरी देखील त्याच्या ब्रँड व्हॅल्यूला कुठलाच धक्का बसला नाहीये.

त्याची ब्रँड व्हॅल्यू ही दिवसेंदिवस वाढतच चालली आहे. जाहिरातींमधून तो कोट्यवधी रुपयांची कमाई करतोय.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com