Rohit Sharma Runout: रोहित स्वतःच्या चुकीमुळेच आऊट झाला? नेमकं काय घडलं? पाहा Video

Rohit Sharma Runout News:

भारतीय संघाचा कर्णधार रोहित शर्मा हा तब्बल १ वर्षांनंतर टी -२० क्रिकेट खेळण्यासाठी मैदानात उतरला. आयसीसी टी -२० वर्ल्डकप झाल्यानंतर तो एकही सामना खेळला नव्हता. मात्र अफगाणिस्तानविरुद्ध झालेल्या कमबॅक सामन्यात तो निराशाजनक कामगिरी करताना दिसून आला आहे. या सामन्यात तो शून्यावर बाद होऊन माघारी परतला. दरम्यान त्याच्या रनआऊटचा व्हिडिओ सध्या सोशल मीडियावर जोरदार व्हायरल होऊ लागला आहे.

या सामन्यात भारतीय संघाने नाणेफेक जिंकली आणि अफगाणिस्तानला प्रथम फलंदाजी करण्याचं आमंत्रण दिलं. अफगाणिस्तानने प्रथम फलंदाजी करताना १५८ धावा केल्या. या धावांचा पाठलाग करण्यासाठी रोहित शर्मा आणि शुभमन गिलची जोडी मैदानावर आली.

रोहितने पहिल्याच षटकातील दुसऱ्या चेंडूवर शॉट मारला आणि धाव घेण्याचा प्रयत्न केला. रोहित धावला मात्र गिल चेंडूकडे पाहत राहिला. त्याने हाताने इशारा करत रोहितला थांबायला सांगितलं. या संधीचा सोनं करत अफगाणिस्तानच्या क्षेत्ररक्षकांनी रोहितला रनआऊट केलं. (Cricket News In Marathi)

रोहित भडकला..

शून्यावर बाद झाल्यानंतर रोहित जोरदार भडकला. तो पॅव्हेलियनच्या दिशेने जात असताना गिलला काहीतरी म्हणताना दिसून आला. रोहित शून्यावर बाद झाल्यानंतर गिल अवघे काही मिनिटं खेळपट्टीवर टिकू शकला. त्यानंतर तो २३ धावा करत माघारी परतला.

नेमकी चूक कोणाची?

रोहितने शॉट खेळल्यानंतर गिलला धावण्याचा इशारा केला. मात्र गिलने त्याच्याकडे पाहिलच नाही. तो चेंडूकडे पाहत राहिला. त्याने रोहितला हाताने इशारा करत थांबायला सांगितलं. त्यामुळे दोघांमध्ये ताळमेळ पाहायला मिळाला नाही. त्यामुळेच रोहित बाद होऊन माघारी परतला. मात्र शिवम दुबेच्या आक्रमक ६० धावांच्या खेळीच्या बळावर भारतीय संघाने हा सामना ६ गडी राखून जिंकला.