Deodhar Trophy 2023: आयपीएल २०२३ स्पर्धेत युवा खेळाडूंचा बोलबाला पाहायला मिळाला होता. या खेळाडूंमध्ये सर्वाधिक चर्चेत राहिलेलं नाव म्हणजे रिंकू सिंग. कोलकाता नाईट रायडर्स संघाला अटीतटीच्या लढतीत विजय मिळवून देणाऱ्या या फलंदाजाने फिनिशर म्हणून आपली वेगळी ओळख निर्माण केली आहे. दरम्यान आता त्याला आयपीएल स्पर्धेत केलेल्या दमदार कामगिरीचं फळ मिळालं आहे.
सध्या भारतीय संघ वेस्टइंडीज दौऱ्यावर आहे. या दौऱ्यावर होणाऱ्या टी-२० मालिकेसाठी रिंकू सिंगला संधी मिळण्याची चर्चा सुरू होती. मात्र या मालिकेसाठी त्याला संधी दिली गेली नाही. ऋतुराज गायकवाड आणि यशस्वी जयस्वाल सारख्या युवा फलंदाजांना संधी दिली गेली आहे.
आता बीसीसीआयने रिंकू सिंगला देखील मोठं बक्षीस दिलं आहे. त्याला आगामी देवदार ट्रॉफी स्पर्धेसाठी सेंट्रल झोनच्या संघात स्थान दिलं गेलं आहे. या संघाचे कर्णधारपद व्यंकटेश अय्यरकडे सोपवण्यात आले आहे. (Rinku Singh In Deodhar Trophy)
लवकरच भारतीय संघासाठी खेळताना दिसणार..
रिंकू सिंगची वेस्टइंडीजविरुद्ध सुरु असलेल्या मालिकेसाठी निवड करण्यात आली नाही. मात्र त्याचं भारतीय संघासाठी खेळण्याचं स्वप्न लवकरच पूर्ण होऊ शकतं.
भारताचा वेस्टइंडीज दौरा झाल्यानंतर १८ ऑगस्टपासून भारत - आयर्लंड टी-२० मालिकेला प्रारंभ होणार आहे. या मालिकेसाठी त्याला भारतीय संघात संधी दिली जाऊ शकते.
मात्र त्याची भारतीय संघात निवड होणार की नाही, हे त्याच्या देवधर ट्रॉफीतील कामगिरीवर अवलंबून असणार आहे.
जर तो या स्पर्धेत चमकला तर तो थेट भारतीय संघासाठी खेळताना दिसेल. रिंकू सिंगसह शिवम मावी, मोहसिन खान आणि आकाश मधवाल हे खेळाडू देखील भारतीय सेंट्रल झोनकडून खेळताना दिसून येणार आहेत. (Latest sports updates)
देवधर ट्रॉफीसाठी असा आहे सेंट्रल झोनचा संघ : माधव कौशिक, शिवम चौधरी, यश दुबे, यश कोठारी, व्यंकटेश अय्यर (कर्णधार), रिंकू सिंग, आर्यन जुयाल, उपेंद्र यादव,आकाश मधवाल, मोहनराजे. खान , शिवम मावी, कर्ण शर्मा, यश ठाकूर, आदित्य सरवटे, अनिकेत चौधरी
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.