RR vs PBKS: राजस्थान संघाची संथ फलंदाजी; पंजाबसमोर १४५ धावांचे आव्हान

Rajasthan Royals vs Punjab Kings : आयपीएलचा ६५ वा सामना राजस्थान रॉयल्स आणि पंजाब किंग्जमध्ये होत आहे. हा सामना गुवाहाटी येथील बारसापारा क्रिकेट स्टेडियमवर खेळला जातोय.
Rajasthan Royals vs Punjab Kings
Rajasthan Royals vs Punjab Kingsx IPL

आयपीएलचा ६५ वा सामना राजस्थान रॉयल्स आणि पंजाब किंग्जमध्ये होत आहे. हा सामना गुवाहाटी येथील बारसापारा क्रिकेट स्टेडियमवर खेळला जातोय. या मोसमातील या मैदानावरील हा पहिलाच सामना आहे. संजू सॅमसनने नाणेफेक जिंकून प्रथम फलंदाजी करण्याचा निर्णय घेतला. पंजाबच्या संघाच्या गोलंदाजांनी राजस्थानच्या फलंदाजांवर दबाव ठेवत त्यांना रोखवून ठेवलं. राजस्थान संघाने संथ गतीने खेळ करत २० षटकात ९ विकेट गमावत १४४ धावा केल्या. आता पंजाबला विजयासाठी १४५ धावा कराव्या लागणार आहे.

पॉवरप्लेमध्ये राजस्थान संघाची संथ फलंदाजी झाली. राजस्थान संघाने ६ षटकात एक विकेट गमावत ३८ धावा केल्या होत्या. प्रथम फलंदाजी करणाऱ्या राजस्थान रॉयल्सला पहिल्याच षटकात पहिला धक्का यशस्वी जयस्वालच्या रुपाने बसला होता. राजस्थानकडून फलंदाजी करताना रियान परागने ३४ चेंडूत ४८ धावा केल्या.

रविचंद्रन अश्विनने १९ चेंडूत २८ धावा केल्या. टॉम कोहलर कॅडमोर आणि संजू सॅमसनने प्रत्येकी १८ धावा केल्या. तर ट्रेंट बोल्ट १२ धावा करून बाद झाला. पंजाबकडून गोलंदाजी करताना सॅम करन, हर्षल पटेल आणि राहुल चहर यांनी २-२ बळी घेतले. अर्शदीप सिंग आणि नॅथन एलिस यांना १-१ विकेट मिळालीय. पंजाबचे १२ सामन्यांत ८ पॉईंट्स आहेत. तर पंजाब किंग्ज आधीच प्लेऑफच्या शर्यतीतून बाहेर आहे. पॉईंट्स टेबलमध्ये पंजाबचा संघ १० व्या स्थानावर आहे.

Rajasthan Royals vs Punjab Kings
RR vs PBKS: राजस्थानविरुद्धच्या सामन्यापूर्वी पंजाबला मोठा धक्का! संघातील स्टार खेळाडू स्पर्धेतून बाहेर

दोन्ही संघाचे प्लेइंग -११

पंजाब किंग्ज : प्रभसिमरन सिंग, जॉनी बेअरस्टो, रिले रुसो, शशांक सिंग, जितेश शर्मा (यष्टीरक्षक), सॅम कुरन (कर्णधार), हरप्रीत ब्रार, हर्षल पटेल, नॅथन एलिस, राहुल चहर, अर्शदीप सिंग.

राजस्थान रॉयल्स: यशस्वी जैस्वाल, टॉम कोहलर-कॅडमोर, संजू सॅमसन (यष्टीरक्षक/कर्णधार), रियान पराग, ध्रुव जुरेल, रोवमन पॉवेल, रविचंद्रन अश्विन, ट्रेंट बोल्ट, संदीप शर्मा, आवेश खान, युझवेंद्र चहल.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com