आयपीएल २०२४ स्पर्धेपूर्वी खेळाडूंचा लिलाव होणार आहे. हा लिलाव सोहळा येत्या डिसेंबर महिन्यात आयोजित केला जाऊ शकतो. हा लिलाव सोहळा केव्हा, कुठे अन् कधी आयोजित केला जाणार अशी चर्चा सुरू असताना राजस्थान रॉयल्स संघाची चर्चा रंगायला सुरुवात झाली आहे.
अशी चर्चा सुरू आहे की, राजस्थान रॉयल्सचा संघ जोस बटलर आणि संजू सॅमसनला रिलीज करू शकते. मात्र ही शक्यता खूप कमी आहे. कारण हे दोघेही या संघातील प्रमुख खेळाडू आहेत. दरम्यान राजस्थानचा संघ कोणत्या ४ खेळाडूंना रिटेन करणार? जाणून घ्या.
माध्यमातील काही वृत्तांमध्ये असा दावा केला जातोय की, जोस बटलर राजस्थान रॉयल्स संघाची साथ सोडू शकतो. जोस बटलरबद्दल बोलायचं झालं तर त्याने आयपीएल स्पर्धेत १४७.५ च्या सरासरीने ३५८२ धावा केल्या आहेत. यादरम्यान त्याने ७ शतक आणि १८ अर्धशतक झळकावले आहेत.
संजू सॅमसनने आतापर्यंत राजस्थान रॉयल्स संघासाठी शानदार कामगिरी केली आहे. त्याने या संघासाठी खेळताना धावांचा पाऊस पाडला आहे. त्याची आयपीएल स्पर्धेतील कामगिरी पाहिली तर, आतापर्यंत त्याने १६८ सामन्यांमध्ये ४४१९ धावा केल्या आहेत. यादरम्यान त्याने २२ अर्धशतक आणि २ शतक झळकावले आहेत.
भारताचा युवा सलामीवीर फलंदाज यशस्वी जयस्वालने बांगलादेशविरुद्ध सुरू असलेल्या पहिल्या कसोटीतील दोन्ही डावात अर्धशतक झळकावली आहेत. त्यामुळे असं म्हटलं जातं आहे की, राजस्थान रॉयल्सचा संघ त्याला रिटेन करू शकतो. जयस्वालच्या नावे आयपीएलमध्ये ९ अर्धशतक आणि २ शतक झळकावण्याची नोंद आहे.
रियान परागने राजस्थान रॉयल्सकडून खेळताना आयपीएल २०२४ स्पर्धेत दमदार कामगिरी केली. २०१९ पासून तो याच संघासाठी खेळतोय. त्याची गेल्या हंगामातील कामगिरी पाहता हा संघ त्याला रिटेन करू शकतो.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.