भारतीय क्रिकेट फॅन्स २९ जूनची रात्र कधीच विसरू शकणार नाहीत. तब्बल ११ वर्षांच्या प्रतिक्षेनंतर भारतीय संघाला आयसीसी टी -२० वर्ल्डकपची ट्रॉफी उंचावण्याची संधी मिळाली आहे. फायनलमध्ये भारतीय संघाने दक्षिण आफ्रिकेचा पराभव केला आहे. यासह दुसऱ्यांदा टी -२० वर्ल्डकपची ट्रॉफी उंचावली आहे.
हा वर्ल्डकप मुख्य प्रशिक्षक म्हणून राहुल द्रविडसाठी शेवटचा वर्ल्डकप ठरला आहे. वनडे वर्ल्डकप २०२३ स्पर्धेनंतर राहुल द्रविड यांचा मुख्य प्रशिक्षक पदाचा कार्यकाळ संपला होता. मात्र या कार्यकाळ टी -२० वर्ल्डकपपर्यंत वाढवण्यात आला. राहुल द्रविड यांनी २०११ मध्ये आंतरराष्ट्रीय क्रिकेटला रामराम करण्याचा निर्णय घेतला. आपल्या क्रिकेट कारकिर्दीत त्यांना एकदाही वर्ल्डकपची ट्रॉफी उंचावण्याची संधी मिळाली नव्हती. मात्र त्यांच्या मार्गदर्शनाखाली भारतीय अंडर १९ संघाने जेतेपदावर नाव कोरलं. त्यानंतर २०२१ मध्ये त्यांना भारतीय संघाला प्रशिक्षण देण्याची संधी मिळाली.
राहुल द्रविड यांचा पायगुण भारतीय संघासाठी गुडलक तर ठरला, मात्र दोन वेळेस फायनलमध्ये जाऊन भारतीय संघाला पराभवाचा सामना करावा लागला. २०२३ मध्ये झालेल्या वर्ल्ड टेस्ट चॅम्पियनशिपच्या फायनलमध्ये भारतीय संघाला ऑस्ट्रेलियाकडून पराभवाचा सामना करावा लागला होता. तर नोव्हेंबर २०२३ मध्ये झालेल्या फायनलमध्ये वनडे वर्ल्डकपच्या फायनलमध्ये भारतीय संघाला ऑस्ट्रेलियाकडून पराभवाचा सामना करावा लागला होता.
भारतीय संघाने दुसऱ्यांदा टी -२० वर्ल्डकपच्या ट्रॉफीवर नाव कोरलं आहे. दरम्यान ट्रॉफी स्वीकारल्यानंतर विराटने ट्रॉफी राहुल द्रविड यांच्या हातात दिली. त्यावेळी राहुल द्रविड जोरदार जल्लोष साजरा करताना दिसून आले. हा व्हिडिओ सध्या सोशल मीडियावर तुफान व्हायरल होतोय
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
