PT Usha Husband Death: पी.टी उषा यांच्यावर कोसळला दु:खाचा डोंगर; पती व्ही. श्रीनिवासन यांचं निधन

PT Usha Husband Death: भारतीय ओलिंपिक संघाच्या अध्यक्ष आणि राज्यसभा सदस्य असलेल्या पी.टी. उषा यांच्या पती व्ही. श्रीनिवासन यांचे ६७ वर्षांच्या वयात निधन झाले आहे. त्यांच्या निधनामुळे क्रीडा आणि राजकीय क्षेत्रात शोककळा पसरली आहे आणि देशभरातून श्रद्धांजली येत आहेत. कुटुंबीयांच्या सांगण्यानुसार, श्रीनिवासन यांनी ३० जानेवारी २०२६ रोजी सकाळी त्यांच्या कोझिकोड (केरल) येथील घरात अचानक तब्येत बिघडली. ते बेशुद्ध पडल्यावर तातडीने जवळील रुग्णालयात दाखल करण्यात आले, मात्र डॉक्टरांच्या प्रयत्नानंतरही त्यांना वाचवता आले नाही.

व्ही. श्रीनिवासन हे केवळ उषा यांचे जीवन साथी नव्हते तर त्यांच्या खेळ आणि सार्वजनिक कारकिर्दीत उत्तम आधारस्तंभ होते. क्रीडा क्षेत्रातही त्यांचे योगदान आणि साहचर्याचे महत्त्व नेहमीच ओळखले गेले. ते पूर्वी केंद्रीय औद्योगिक सुरक्षा दल (CISF) मध्ये अधिकारी म्हणून सेवा देत होते आणि त्यांच्या जीवनात क्रीडा आणि प्रशासन दोन्हीचा सहभाग होता.

या दु:खद घटनेनंतर पंतप्रधान नरेंद्र मोदी यांनी थेट पी.टी. उषा यांना फोन करून शोक व्यक्त केला आणि कुटुंबीयांना संवेदना दिली. तसेच केंद्रीय मंत्री किरण रिजिजू यांनीही श्रीनिवासन यांच्या निधनावर दुःख व्यक्त केले आहे.

पी.टी. उषा आणि श्रीनिवासन यांचे लग्न १९९१ मध्ये झाले होते आणि त्यांच्या एक मुलगा आहे. श्रीनिवासन हे उषा यांच्या करिअरमध्ये नेहमी त्यांचा पाठिंबा बनेले होते आणि त्यांच्या अनेक महत्वाच्या टप्प्यांवर सोबत होते. त्यांच्या अचानक निधनामुळे कुटुंबीय आणि चाहत्यांसाठी हा काळ अत्यंत कठीण बनला आहे.