Prithvi Shaw : शिखर धवननंतर पृथ्वी शॉ देखील पडला प्रेमात, मिस्ट्री गर्लसोबतचा 'तो' फोटो व्हायरल

Prithvi Shaw News : मागील काही महिन्यांपासून अनेक भारतीय क्रिकेटर लव-लाइफमुळे चर्चेत आहेत. चॅम्पियन्स ट्रॉफीच्या फायनलपासून युजवेंद्र चहल आणि आरजे महावश यांच्या डेटिंगच्या चर्चा रंगल्या आहेत. चहल पाठोपाठ शिखर धवनच्या डेटिंग लाइफबद्दल चर्चा सुरु आहेत. याच दरम्यान पृथ्वी शॉ देखील एका मिस्ट्री गर्लसोबत दिसला.

पृथ्वी शॉ सध्या क्रिकेट विश्वात स्ट्रगल करत आहे. तो टीम इंडियामध्ये परतण्यासाठी प्रयत्न करत आहे. आयपीएल २०२५ मध्ये त्याला खेळायची संधी मिळाली नाही. अशातच पृथ्वी शॉचा फोटो समोर आला आहे. या फोटोमध्ये तो एका तरुणीला केक भरवत असल्याचे पाहायला मिळते. काही मीडिया रिपोर्ट्सनुसार, पृथ्वी शॉसोबतच्या मिस्ट्री गर्लचे नाव आकृती अग्रवाल आहे.

इन्स्टाग्रामवर पृथ्वी शॉने फोटो शेअर केला. या फोटोवर 'हॅपी बर्थडे आकृती अग्रवाल' असे लिहिले होते. पृथ्वी आणि आकृतीचा फोटो सोशल मीडियावर प्रचंड व्हायरल झाला आहे. कॅप्शनमध्ये हार्ट इमोजी वापरल्याने पृथ्वी शॉ हा आकृतीला डेट करत असल्याचा अंदाज वर्तवला जात आहे. पण रिलेशनशिपबद्दल अजूनही अधिकृत घोषणा झालेली नाही.

शिखर धवनच्या नव्या इन्स्टा पोस्टची ही सोशल मीडियावर चर्चा पाहायला मिळत आहे. शिखरने त्याची कथित गर्लफ्रेंड सोफी शाइनसोबतचा फोटो शेअर केला. या फोटोमध्ये दोघे रोमँटिक पोझमध्ये बसल्याचे दिसते. २०२५ च्या चॅम्पियन्स ट्रॉफीच्या वेळेस शिखर धवनसोबत सोफी शाइन पहिल्यांदा दिसली होती. परवा (१ मे रोजी) फोटो शेअर करत त्यांनी रिलेशनशिपची कबुली दिल्याचे म्हटले जात आहे.