PBKS vs RR : यशस्वी जयस्वालच्या विकेटनंतर अजब-गजब सेलिब्रेशन, पंजाबच्या फॅनची सोशल मीडियावर चर्चा

PBKS vs RR IPL 2025 : पंजाब किंग्स विरुद्ध राजस्थान रॉयल्स हा सामना पीसीए न्यू इंटरनॅशनल क्रिकेट स्टेडियमवर रंगला आहे. पंजाब किंग्सने टॉस जिंकून पहिल्यांदा गोलंदाजी केली. फलंदाजीसाठी मैदानात उतरलेल्या राजस्थानच्या संघाने २० ओव्हर्समध्ये २०५ धावा केल्या. सामन्यामध्ये राजस्थानकडून यशस्वी जयस्वालने सर्वात जास्त ६७ धावा केल्या.

सलामीला आल्यापासून यशस्वी जयस्वाल संयम दाखवत फलंदाजी करत होता. सुरुवातीला त्याला कर्णधार संजू सॅमसनची साथ मिळाली. एका वेळेला संजू आणि यशस्वीने सामना राजस्थानच्या बाजून झुकवला होता. संजू बाद झाल्यानंतर मग यशस्वी टिकून राहिला. पण तेराव्या ओव्हरमध्ये त्याला लॉकी फर्ग्युसनने बाद केले.

सेट झालेला यशस्वी जयस्वाल बाद होऊन माघारी परतल्यानंतर पंजाबचे फॅन्स आनंदात घोषणा करु लागले. त्या वेळेस स्टेडियममधील कॅमरा चाहत्यांचे क्षण टिपू लागला. त्याच दरम्यान पंजाब संघाच्या फॅनने सर्वांचे लक्ष वेधले. मिस्ट्री गर्लचे विकेट सेलिब्रेट करतानाचे फोटो, व्हिडीओ सोशल मीडियावर व्हायरल होत आहेत. फॅन्ससह पंजाब किंग्सची मालकीण प्रीती झिंटा आजचा सामना पाहण्यासाठी आली आहे. ज्यावेळेस जयस्वाल बाद झाला, तेव्हा प्रीती झिंटाच्या गालावरची खळी आनंदाने खुलली. तिचे फोटो आणि व्हिडीओ देखील व्हायरल झाले आहेत.

पंजाब किंग्सची प्लेईंग ११ -

प्रभसिमरन सिंग, श्रेयस अय्यर (कर्णधार), मार्कस स्टॉइनिस, नेहल वढेरा, ग्लेन मॅक्सवेल, शशांक सिंग, सूर्यांश शेडगे, मार्को जॅनसेन, अर्शदीप सिंग, लॉकी फर्ग्युसन, युझवेंद्र चहल

राजस्थान रॉयल्सची प्लेईंग ११ -

यशस्वी जैस्वाल, संजू सॅमसन (कर्णधार), नितीश राणा, रियान पराग, ध्रुव जुरेल, शिमरॉन हेटमायर, वानिंदू हसरंगा, जोफ्रा आर्चर, महेश थेक्षाना, युधवीर सिंग चरक, संदीप शर्मा