Mohammad Kaif: नाद करायचा नाय! ४२ व्या वयातही कैफने दाखवली चित्त्यासारखी चपळाई, डाईव्ह मारत टिपला भन्नाट झेल -VIDEO

Mohammad kaif catch video: भारतीय संघाचा माजी क्रिकेटपटू मोहम्मद कैफ हा आंतरराष्ट्रीय क्रिकेटमधील सर्वोत्तम क्षेत्ररक्षकांपैकी एक आहे.

चेंडू किती ही लांब असला तरी हा खेळाडू वाऱ्याच्या वेगाने जाऊन चेंडू अडवायचा. आता निवृत्त होऊन वर्षे झाली असली तरीदेखील मैदानावर क्षेत्ररक्षण करताना त्याचा तोच जुना अंदाज पाहायला मिळाला आहे.

मोहम्मद कैफ सध्या लेजेंड्स क्रिकेट लीग स्पर्धेत खेळताना दिसून येत आहे. या स्पर्धेत खेळताना तो फलंदाजीने तर धुमाकूळ घालतोय. तर क्षेत्ररक्षण करतानाही क्रिकेट चाहत्यांचे मन जिंकत आहे. दरम्यान त्याने या स्पर्धेत भन्नाट झेल टिपला आहे. ज्याचा व्हिडिओ सध्या सोशल मीडियावर जोरदार व्हायरल होत आहे. (Latest sports updates)

लेजेंड्स क्रिकेट लीग स्पर्धेतील साखळी फेरीतील अखेरचा सामना एशिया लायन्स आणि इंडिया महाराजा या दोन्ही संघांमध्ये पार पडला. या सामन्यात इंडिया महाराजा संघाला ८५ धावांनी पराभवाचा सामना करावा लागला. मात्र मोहम्मद कैफने टिपलेला झेल सध्या चर्चेचा विषय ठरतोय.

तर झाले असे की , एशिया लायन्स संघाची फलंदाजी सुरु असताना ९ वे षटक टाकण्यासाठी प्रज्ञान ओझा गोलंदाजीला आला होता.

या षटकातील पाचव्या चेंडूवर फलंदाज उपुल थरांगाने कव्हरच्या वरून शॉट खेळण्याचा प्रयत्न केला. मात्र त्याचा हा प्रयत्न फसला. कारण कव्हरला क्षेत्ररक्षण करत असलेल्या मोहम्मफ कैफने डाइव्ह मारत भन्नाट झेल टिपला.

हा सामना जिंकण्यासाठी इंडीया महाराजा संघाला १९२ धावांची गरज होती. मात्र भारतीय संघाला केवळ १०६ धावा करता आल्या. मोहम्मद कैफला देखील या सामन्यात मोठी खेळी करता आली नाही.