LSG VS GT Mitchell Marsh : लई अवघड हाय गड्या उमगाया बाप रं...! मिचेल मार्शची लेक आजारी, खेळाडूनं घेतला मोठा निर्णय

Mitchell Marsh LSG VS GT : लखनऊ सुपर जायंट्स विरुद्ध गुजरात टायटन्स सामन्यामध्ये लखनऊच्या प्लेईंग ११ मध्ये एक बदल करण्यात आला आहे. लखनऊकडून तुफान फटकेबाजी करणाऱ्या मिचेल मार्शच्या जागी हिम्मत सिंगला संधी देण्यात आली आहे. दुसऱ्या बाजूला गुजरातच्या संघामध्येही बदल झाला आहे. वॉशिंग्टन सुंदरला प्लेईंग ११ मध्ये समाविष्ट करण्यात आले आहे.

एकाना स्टेडियमवर लखनऊ सुपर जायंट्स विरुद्ध गुजरात टायटन्स हा सामना खेळला जात आहे. या सामन्यामध्ये लखनऊ सुपर जायंट्सचा कर्णधार रिषभ पंतने टॉस जिंकला आणि पहिल्यांदा गोलंदाजी करण्याचा निर्णय घेतला. फलंदाजी करण्यासाठी गुजरात टायन्सचे खेळाडू मैदानामध्ये उतरले आहेत. डबल हेडरमधील पहिल्या रोमांचक सामन्याला सुरुवात झाली आहे.

टॉस झाल्यानंतर रिषभ पंतने प्लेईंग ११ मधील बदलाची माहिती दिली. चांगल्या फॉर्ममध्ये असलेला मिचेल मार्श आजचा सामना खेळणार नसल्याची त्याने माहिती दिली. मिचेल मार्शची लेक आजारी आहे. या कारणामुळे त्याने आजचा सामना न खेळण्याचा निर्णय घेतला आहे. इन फॉर्मच्या जागी हिम्मत सिंगला संधी देण्यात आली आहे. मिचेल मार्शने आयपीएल २०२५ मधील ५ सामन्यातील ४ सामन्यांमध्ये अर्धशतकीय खेळी केली आहे. त्याने २६५ धावा केल्या आहेत.

गुजरात टायटन्सची प्लेइंग ११ -

साई सुदर्शन, शुभमन गिल (कर्णधार), जोस बटलर, वॉशिंग्टन सुंदर, शेरफेन रदरफोर्ड, शाहरुख खान, राहुल तेवतिया, अर्शद खान, रशीद खान, रविश्रीनिवासन साई किशोर, मोहम्मद सिराज

लखनऊ सुपर जायंट्सची प्लेइंग ११ -

एडन मार्कराम, निकोलस पूरन, ऋषभ पंत (कर्णधार), हिम्मत सिंग, डेव्हिड मिलर, अब्दुल समद, शार्दुल ठाकूर, आकाश दीप, दिग्वेश सिंग राठी, आवेश खान, रवी बिश्नोई