KL Rahul Statement: लखनऊच्या कामगिरीवर केएल राहुल भडकला! या खेळाडूंवर फोडलं पराभवाचं खापर

आयपीएलचा ६४ व्या सामन्यात दिल्ली कॅपिटल्सने लखनऊ सुपर जायंट्स संघाला धूळ चारली आहे. आपल्या होम ग्राऊंडवर खेळताना दिल्ली कॅपिटल्स संघाने हा सामना १९ धावांनी जिंकला आहे. या विजयानंतर दिल्लीचा संघ अजूनही प्लेऑफच्या शर्यतीत टिकून आहे. तर पराभूत झालेल्या लखनऊ सुपर जायंट्स संघाचं टेन्शन वाढलं आहे. दिल्लीचा संघ १४ सामन्यांमध्ये १४ गुणांची कमाई करत प्लेऑफच्या शर्यतीत आहे. मात्र त्यांचा नेट रनरेट हा चेन्नई आणि हैदराबादपेक्षा खूप कमी आहे. त्यामुळे दिल्लीचं प्लेऑफ गाठणं जरा कठीण आहे. दरम्यान लखनऊ सुपर जायंट्स संघासाठीही समीकरण कठीण झालं आहे.

सुरुवातीच्या सामन्यांमध्ये शानदार कामगिरी करणाऱ्या लखनऊ सुपर जायंट्स संघाला प्लेऑफमध्ये जाण्यासाठी प्रबळ दावेदार मानलं जात होतं. मात्र गेल्या काही सामन्यांमध्ये या संघाला हवी तशी कामगिरी करता आलेली नाही. लखनऊचा शेवटचा सामना मुंबई इंडियन्सविरूद्ध होणार आहे. या सामन्यात मोठा विजय मिळवून लखनऊला इतर संघांच्या कामगिरीवर अवलंबून राहावं लागणार आहे.

दरम्यान हा सामना झाल्यानंतर बोलताना केएल राहुल म्हणाला की, ' मला तरी वाटतं की, ४० षटक खेळपट्टी एकसारखीच होती. आम्ही जेव्हा जॅक फ्रेजरला आऊट केलं त्यावेळी आम्हाला या गोष्टीचा फायदा घ्यायला हवा होता. शेवटी शाई होप आणि अभिषेक पोरेलने चांगली फलंदाजी केली. आम्ही शेवटच्या षटकांमध्ये चांगली फलंदाजी केली. आम्ही या धावांचा पाठलाग करायला हवं होतं.'

तसेच तो पुढे म्हणाला की, ' संपूर्ण हंगामात इथंच आमची गाडी अडतेय. आम्ही पावरप्लेच्या षटकांमध्ये विकेट्स जाणवतोय. आम्हाला स्टोइनिस आणि पुरनसारखे फिमिशर संघात असताना कधीच चांगली सुरुवात मिळाली नाही. हेच आम्ही या स्थितीत असण्यामागचं सर्वात मोठं कारण आहे.