Kiran Navgire : इंग्लंड दाै-यासाठी लेडी धाेनीचा भारतीय संघात समावेश; महाराष्ट्रात चैतन्य

Kiran Navgire : मिरे (ता. माळशिरस) येथील किरण नवगिरे (Kiran Navgire Latest Marathi News) हिची इंग्लंड येथे हाेणा-या ट्वेंटी ट्वेंटी क्रिकेट स्पर्धेसाठी भारतीय महिला क्रिकेट संघात निवड झालली आहे. या निवडीमुळं माळशिरसह (malshiras) संपुर्ण साेलापूर जिल्ह्यातील क्रीडाप्रेमींत आनंदाचे वातावरण आहे.

किरण सध्या नागालँड संघाकडून खेळत होती. आजवर महिला क्रिकेट संघाला न मिळविता आलेला विश्वकरंडक जिंकणे हे तिचे स्वप्न असल्यानेच ती कसून मेहनत घेत आहे. अत्यंत प्रतिकुल परिस्थितीतून किरणनं आपल्या कुटुंबियांच्या पाठबळाच्या जाेरावर क्रिकेटमध्ये पदकं मिळविली आहेत.

किरण एक उत्कृष्ट फलंदाज आहे. षटकार ठाेकण्यात ती माहिरी आहे. सिक्स हिटर अशी स्वत:ची ओळख तिने निर्माण केली आहे. तिला लेडी धाेनी नावानं देखील आेळखलं जातं. किरणने प्रथम श्रेणी क्रिकेट स्पर्धेत अनेक विक्रम आपल्या नावावर केले आहेत. येत्या १० सप्टेंबर पासून महिला क्रिकेटचा इंग्लंड दौरा सुरु होत आहे. तिच्या निवडीनं पंचक्राेशिसह उत्साहाचे वातावरण आहे. अनेकांनी तिचे शुभेच्छा फलक तसेच अभिनंदनाचे फलक गावात लावले आहेत.

Edited By : Siddharth Latkar