Kane Williamson: 'थॅंक यू केन विलियमसन..' भारतीय का मानताय न्यूझीलंडचे आभार? सोशल मीडियावर एकच चर्चा

Kane williamson: भारत विरुध्द ऑस्ट्रेलिया या दोन्ही संघांमध्ये ४ कसोटी सामन्यांच्या मालिकेतील अंतिम कसोटी सामना अहमदाबादच्या नरेंद्र मोदी स्टेडियमवर सुरु आहे. हा सामना ड्रॉ होण्याच्या वाटेवर आहे.

या सामन्याचा निकाल लागण्यापूर्वीच भारतीय संघाने वर्ल्ड टेस्ट चॅम्पियनशिपच्या अंतिम फेरीत प्रवेश केला आहे. दरम्यान भारतीय संघाला अंतिम फेरीत पोहचवण्यात मदत करणाऱ्या केन विलियमसनचे सोशल मीडियावर आभार मानले जात आहेत.

केन विलियमसन ठरला संकटमोचक..

हा सामना श्रीलंका संघासाठी जितका महत्वाचा होता, तितकाच भारतीय संघासाठी देखील महत्वाचा होता. कारण श्रीलंका संघ पराभूत झाल्यास भारतीय संघ अंतिम फेरीसाठी पात्र ठरणार होता.

शेवटच्या क्षणी असे वाटले होते की, न्यूझीलंड संघ हा सामना गमावणार कारण १ चेंडूत १ धावेची गरज होती. त्यावेळी केन विलियमसनने १ धाव पूर्ण केली आणि न्यूझीलंड संघाला विजय मिळवून दिला.

न्यूझीलंड संघाला हा सामना जिंकण्यासाठी २८५ धावांची गरज होती. या धावांचा पाठलाग करताना डॅरील मिशेलने ८१ धावांची खेळी केली. तर केन विलियमसनने नाबाद १२१ धावांची खेळी केली.

नेटकऱ्यांनी मानले आभार..