IPL 2025 : गुजरात टायटन्स विरुद्ध दिल्ली कॅपिटल्स हा सामना अहमदाबादच्या नरेंद्र मोदी स्टेडियमवर सुरु आहे. सामन्यात शुबमन गिलने टॉस जिंकला आणि गुजरातने पहिली गोलंदाजी केली. दिल्लीने फलंदाजी करताना २० ओव्हर्समध्ये २०३ धावा केल्या. तसेच गुजरात टायटन्स समोर २०४ धावांचे आव्हान ठेवले. या सामन्यादरम्यान जोस बटलर दमदार फलंदाजी करताना दिसला.
२०४ धावांचे लक्ष गाठताना साई सुदर्शन आणि शुबमन गिल मैदानात उतरले. कॅप्टन गिल ७ धावांवर माघारी परतला. त्यानंतर इन-फॉर्म साई सुदर्शन ३६ धावांवर बाद झाला. त्यानंतर जोस बटलरआणि शेरफन रुदरफोर्ड यांनी मोर्चा सांभाळला. दोघांनी आक्रमक खेळी करत खेळ पुढे नेला. फॉर्ममध्ये असलेल्या दिल्लीच्या गोलंदाजांची बटलर आणि रुदरफोर्डने धुलाई केली.
१५ व्या ओव्हरमध्ये मिचेल स्टार्क गोलंदाजी करण्यासाठी आला. जॉस बटलरने त्याच्या ओव्हरच्या पहिल्या ५ बॉल्समध्ये दमदार ५ चौकार मारले. ४ चौकार मारल्यानंतर ५ व्या बॉलवर बटलरने शॉट मारला. बॅकवर्ड स्वेअर लेगजवळ असलेल्या विपराज निगमने कॅच पकडण्याचा प्रयत्न केला. पण बॉल त्याच्या हातातून सुटला आणि बाउंड्री लाईनजवळ गेला आणि बटलरला पाचवा चौकार मिळाला. त्यानंतर बटलरला क्रॅम्प आल्याचे पाहायला मिळाले. पण तरीही बटलर टिकून राहिला.
गुजरात टायटन्सची प्लेईंग ११ -
साई सुदर्शन, शुभमन गिल (कर्णधार), जोस बटलर, शाहरुख खान, राहुल तेवतिया, अरशद खान, राशिद खान, रविश्रीनिवासन साई किशोर, मोहम्मद सिराज, प्रसिद्ध कृष्णा, इशांत शर्मा
दिल्ली कॅपिटल्सची प्लेईंग ११ -
अभिषेक पोरेल, करुण नायर, केएल राहुल, अक्षर पटेल (कर्णधार), ट्रिस्टन स्टब्स, आशुतोष शर्मा, विपराज निगम, मिचेल स्टार्क, कुलदीप यादव, मोहित शर्मा, मुकेश कुमार
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.