W, 0, 1, W, W... मैदानात बुमराहने विकेट्स घेतल्या अन् यॉर्कर किंगच्या लेकाची रिॲक्शन व्हायरल, पाहा Video

MI VS LSG : वानखेडे स्टेडियमवर मुंबई इंडियन्स विरुद्ध लखनऊ सुपर जायंट्स हा सामना खेळला गेला. या सामन्यामध्ये मुंबईचा विजय झाला आहे. लखनऊला पराभवाचा सामना करावा लागला आहे. हा मुंबई इंडियन्सचा सलग पाचवा विजय आहे. आजच्या विजयानंतर मुंबईने पॉईंट्स टेबलवर दुसरे स्थान गाठले आहे. मुंबईच्या या विजयामध्ये जसप्रीत बुमराहचे मोठे योगदान आहे. बुमराहने आज ४ विकेट्स घेतल्या.

जसप्रीत बुमराहने सुरुवातीला एडन मारक्रमला बाद केले. त्यानंतर लखनऊचे खेळाडू हळू-हळू बाद व्हायला सुरुवात झाली. शेवटच्या ओव्हर्समध्ये बुमराह पुन्हा गोलंदाजी करण्यासाठी आला. १६ व्या ओव्हरमध्ये जसप्रीत बुमराहने तब्बल ३ विकेट्स घेतल्या. दुसऱ्या चेंडूवर बुमराहने डेव्हिड मिलरला, पाचव्या चेंडूवर अब्दुल समदला आणि शेवटच्या, सहाव्या चेंडूवर आवेश खानला बाद केले.

जसप्रीत बुमराहची पत्नी संजना गणेशन आणि मुलगा अंगद बुमराह आजचा सामना पाहण्यासाठी मुंबईच्या वानखेडे स्टेडियमवर पोहोचले होते. बुमराहने १६ व्या ओव्हरमध्ये तब्बल ३ विकेट्स घेतल्यानंतर स्टेडियममधील कॅमेरा संजना आणि अंगदकडे वळला आणि त्या दोघाची रिॲक्शन कॅमेऱ्यामध्ये कैद झाली. अंगदच्या रिॲक्शचा व्हिडीओ सध्या सोशल मीडियावर व्हायरल होत आहे.

मुंबई विरुद्ध लखनऊ सामन्यामध्ये ४ विकेट्स घेत बुमराहने अनेक विक्रम मोडले. तो मुंबई इंडियन्सकडून खेळताना सर्वाधिक विकेट्स घेणारा गोलंदाज बनला आहे. त्याने १३९ इनिंग्समध्ये १७१ विकेट्स घेतल्या आहेत. आयपीएलच्या इतिहासात वेगवान गोलंदाजांद्वारे घेतलेल्या सर्वाधिक विकेट्सच्या यादीत बुमराह दुसऱ्या क्रमावर गेला आहे. बुमराहने ४१ विकेट्स घेतल्या आहेत. त्याने भुवनेश्वर कुमारला मागे टाकले आहे.

मुंबई इंडियन्सची प्लेईंग ११ -

रोहित शर्मा, रायन रिकेल्टन, विल जॅक्स, सूर्यकुमार यादव, तिलक वर्मा, हार्दिक पांड्या (कर्णधार), नमन धीर, कॉर्बिन बॉश, ट्रेंट बोल्ट, दीपक चहर, कर्ण शर्मा

लखनऊ सुपर जायंट्सची प्लेईंग ११ -

एडन मार्कराम, मिचेल मार्श, निकोलस पूरन, रिषभ पंत (कर्णधार), अब्दुल समद, आयुष बडोनी, दिग्वेश राठी, रवि बिश्नोई, आवेश खान, प्रिन्स यादव, मयंक यादव