Ishan Kishan Catch Video: एकच नंबर भावा! ईशानच्या त्या कॅचने करून दिली थालाची आठवण पाहा VIDEO

IND VS WI 1st Test: भारतीय संघाचा डाव्या हाताचा आक्रमक फलंदाज ईशान किशनला भारतीय कसोटी संघासाठी पदार्पण करण्याची संधी मिळाली आहे. पहिल्याच कसोटी सामन्यात त्याने भन्नाट झेल टिपून सर्वांचे लक्ष वेधून घेतले आहे.

रिषभ पंतचा अपघात झाल्यानंतर केएस भरतला कसोटी संघात स्थान दिलं गेलं होतं. मात्र ५ सामन्यांमध्ये त्याला हवी तशी कामगिरी करता आली नाही. शेवटी टीम मॅनेजमेंटने ईशान किशनला संधी देण्याचा निर्णय घेतला आहे.

ईशानमुळे रिषभच्या कारकिर्दीला लागणार पूर्णविराम?

रिषभ पंतच्या अनुपस्थितीत केएस भरतची यष्टीरक्षक फलंदाज म्हणून निवड केली गेली होती. मात्र अनेकदा संधी मिळूनही त्याला हवी तशी कामगिरी करता आली नाही. शेवटी टीम मॅनेजमेंटने केएस भरतला संघाबाहेर करून ईशान किशनला संधी दिली आहे.

ईशान किशन या संधीचं सोनं करताना दिसून येत आहे. भारतीय संघाचा पहिला डाव अवघ्या १५० धावांवर संपुष्टात आला आहे. आर अश्विनने भारतीय संघाकडून ५ गडी बाद केले. यादरम्यान ईशान किशनने दोन झेल टिपले. यापैकी एक झेल सध्या चर्चेचा विषय ठरला आहे. (Latest sports updates)

चित्त्याच्या चपळाई दखवत टिपला झेल..

वेस्टइंडीजची फलंदाजी सुरु असताना २० वे षटक असताना शार्दूल ठाकूर गोलंदाजी करण्यासाठी आला होता. या षटकातील तिसऱ्या चेंडुवर रेमन रिफरने शॉट खेळण्याचा प्रयत्न केला. मात्र चेंडू बॅटची कडा घेत थेट यष्टीरक्षक ईशान किशनच्या हातात गेला.

हा झेल त्याच्या हातात येण्यापूर्वीच त्याने पुढच्या दिशेने डाइव्ह मारली आणि चित्त्याच्या चपळाईने झेल टिपला. या झेलचा व्हिडिओ सध्या सोशल मीडियावर जोरदार व्हायरल होऊ लागला आहे.

हा झेल पाहून अनेकांना एमएस धोनीची आठवण झाली आहे. ईशान किशनचा हा पहिलाच कसोटी सामना आहे. या सामन्यात त्याला केएस भरतच्या जागी संधी दिली गेली आहे. यष्टीरक्षणासहनंतर आता फलंदाजीमध्ये देखील त्याच्याकडून चांगल्या कामगिरीची अपेक्षा असणार आहे.