IPL: राजस्थान संघाला मोठा झटका; जलदगती गोलंदाजांच्या बाहेर जाण्यानं RRवर संकट

आयपीएलच्या सामन्यात आज राजस्थान रॉयल्स आणि मुंबई इंडियन्सची भिडत आहे. पण या सामन्याआधी राजस्थानच्या संघाला वाईट बातमी मिळाली. संघाची ताकद असलेला संदीप शर्मा आयपीएलमधून बाहेर गेलाय. गुजरात टायटन्सविरुद्धच्या सामन्यात राजस्थान रॉयल्सचा वेगवान गोलंदाज संदीप शर्मा जखमी झाला. बोटाला दुखापत झाल्याने तो आयपीएल २०२५ च्या संपूर्ण हंगामातून बाहेर पडलाय. याच कारणास्तव मुंबई इंडियन्सविरुद्धच्या सामन्यात त्याच्या जागी आकाश माधवालला प्लेइंग इलेव्हनमध्ये संधी मिळालीय.

राजस्थान रॉयल्सने सोशल मीडिया प्लॅटफॉर्म X वर एक पोस्ट शेअर केली आहे. यात संदीप शर्माच्या बोटावर प्लास्टर लावलेलं दिसत आहे. राजस्थानने कॅप्शनमध्ये लिहिले आहे की, बोटात फ्रॅक्चर असूनही संघासाठी आपला स्पेल पूर्ण करण्यासाठी आपले शरीर पणाला लावणाऱ्या या योद्ध्यासाठी टाळ्या वाजवा. संदीप, लवकर बरा हो आणि पुन्हा मजबूत हो.