RCB Captain: RCB चा कर्णधार ठरला! विराट नव्हे, तर या खेळाडूकडे सोपवली जबाबदारी

आयसीसी चॅम्पियन्स ट्रॉफी २०२५ स्पर्धा झाल्यानंतर जगातील सर्वात मोठ्या क्रिकेट लीग स्पर्धेला सुरुवात होणार आहे. आयपीएल २०२५ स्पर्धेला येत्या २१ मार्चपासून सुरुवात होणार आहे. या स्पर्धेपूर्वी सर्वात मोठा प्रश्न असा होता की, रॉयल चॅलेंजर्स बंगळुरू संघाचं नेतृत्व कोण करणार? विराट कोहलीने कर्णधारपदावरून माघार घेतल्यानंतर ही जबाबदारी फाफ डू प्लेसिसकडे सोपवण्यात आली.

आता या स्पर्धेसाठी रॉयल चॅलेंजर्स बंगळुरू संघाने नव्या कर्णधाराची घोषणा केली आहे. भारताचा स्टार फलंदाज रजत पाटीदार या संघाचं नेतृत्व करताना दिसणार आहे.

रॉयल चॅलेंजर्स बंगळुरू संघाला नवा कर्णधार मिळणार असल्याची घोषणा याआधीच करण्यात आली होती. गुरुवारी या संघाच्या टीम मॅनेजमेंटने पत्रकार परिषद घेत आपल्या नव्या कर्णधाराची घोषण केली आहे. या पत्रकार परिषदेत संघाचे मेंटॉर आणि प्रशिक्षक उपस्थित होते.

कसा राहिलाय रजत पाटीदारचा रेकॉर्ड?

रजत पाटीदार आपल्या शानदार फलंदाजीसाठी ओळखला जातो. गेल्या हंगामात त्याने आक्रमक फलंदाजीने जोरदार हवा केली होती. त्याची ही फलंदाजी पाहता, रॉयल चॅलेंजर्स बंगळुरूने त्याला रिटेन करण्याचा निर्णय घेतला होता.

रजत पाटीदारच्या नेतृत्वाबद्दल बोलायचं झालं तर, त्याला सैय्यद मुश्ताक अली ट्रॉफी स्पर्धेत मध्यप्रदेश संघाचं नेतृत्व करण्याची संधी मिळाली होती. ही जबाबदारी त्याने योग्यरित्या पार पाडली. त्याला १४ सामन्यांमध्ये संघाचं नेतृत्व करण्याची संधी मिळाली. या पैकी ११ सामने जिंकले. तर ३ सामन्यांमध्ये पराभवाचा सामना करावा लागला.

रॉयल चॅलेंजर्स बंगळुरु संघाच्या आतापर्यंतच्या सर्व कर्णधारांची यादी

ज्यावेळी हा संघ पहिला हंगाम खेळण्यासाठी मैदानात उतरला होता. त्यावेळी राहुल द्रविड या संघाचं नेतृत्व करताना दिसून आला होता.त्यानंतर अनिल कुंबळे, केविन पीटरसन, शेन वॉटसन, डॅनियल विटोरी, विराट कोहली आणि फाफ डू प्लेसिसला या संघाचं नेतृत्व करण्याची संधी मिळाली. आता रजत पाटीदार या संघाचं नेतृत्व करण्याची संधी मिळाली आहे. या संघाने आतापर्यंत फायनल गाठली आहे. मात्र एकदाही या संघाला आयपीएलची ट्रॉफी जिंकता आलेली नाही.

आयपीएल २०२५ स्पर्धेसाठी असा आहे रॉयल चॅलेंजर्स बंगळुरुचा संघ: