IPL 2023 Playoffs Race: मुंबई इंडियन्स संघाला प्लेऑफमध्ये जाण्यासाठी एकच मार्ग शिल्लक! रोहित सेनेला करावं लागेल हे काम

IPL 2023: आयपीएल २०२३ स्पर्धेत एकापेक्षा एक रोमांचक सामने पाहायला मिळत आहेत. गुजरात टायटन्स संघाने प्लेऑफमध्ये प्रवेश केला आहे. तर उर्वरित ३ स्थानांसाठी ६ संघांमध्ये जोरदार लढत सुरु आहे.

काही संघ असे आहेत ज्यांना प्लेऑफमध्ये जाण्याचा सर्वाधिक चान्स आहे. तर काही संघ असे देखील आहेत ज्यांना विजय मिळवूनही दुसऱ्या संघांच्या कामगिरीवर अवलंबून राहावं लागणार आहे. दरम्यान मुंबई इंडियन्स संघ अजूनही अडचणीत आहे.

अंतिम ४ मध्ये मुंबईचा संघ कसा पोहोचणार?

मुंबई इंडियन्स संघाबद्दल बोलायचं झालं तर १३ पैकी ७ सामने जिंकून मुंबई इंडियन्स संघाचे १४ पॉईंट्स आहेत. हा संघ पॉईंट्स टेबलमध्ये सहाव्या स्थानी आहे. मुंबई इंडियन्स संघाचा पुढील सामना सनरायझर्स हैदराबाद संघासोबत रंगणार आहे.

जर मुंबईने या सामन्यात विजय मिळवला तर मुंबईचे १६ पॉईंट्स होतील. मात्र नेट रन रेटमुळे मुंबईचा संघ अडचणीत येऊ शकतो. मुंबई इंडियन्स संघाचा नेट रन रेट हा - ०.१२८ इतका आहे. त्यामुळे मुंबईला केवळ जिंकायची नाही तर, मोठया फरकाने विजय मिळवण्याची गरज आहे.

या संघाकडून मुंबई इंडियन्स संघाला धोका

मुंबई इंडियन्स संघाला लखनऊ सुपर जायंट्स संघाकडून धोका असू शकतो. कारण लखनऊ आणि मुंबई इंडियन्स या दोन्ही संघांचे पॉईंट्स १४ आहेत. (Latest sports updates)

मात्र लखनऊचा नेट रन रेट हा +०.१८० इतका आहे. तर आरसीबीचा संघ चौथ्या स्थानी आहे. जर येणाऱ्या सामन्यात आरसीबीने विजय मिळवला तर आरसीबीचा संघ प्लेऑफमध्ये प्रवेश करु शकतो. तर लखनऊचा संघ १३ सामन्यांमध्ये १५ पॉंईंससह तिसऱ्या स्थानी आहे. जर कोलकाता नाईट रायडर्स संघाविरूध्द होणाऱ्या सामन्यात लखनऊ संघाचा पराभव झाला तर मुबंई इंडियन्स संघाचा चान्स वाढणार आहे.

राजस्थान आणि कोलकाताचा संघ शर्यतीत..

तर राजस्थान आणि कोलकाताचा संघ देखील शर्यतीत आहे. राजस्थान रॉयल्स संघाचे १४ पॉईंट्स आहेत. तर कोलकोताचे १२ पॉईंट्स आहेत. दोन्ही संघांचा एक एक सामना शिल्लक आहे.