IPL 2023, KKR vs DC: आयपीएलच्या २८ व्या सामन्यात दिल्ली कॅपिटल्सने कोलकाता नाईट रायडर्सवर ४ विकेट्सने विजय मिळवला. अत्यंत रंगतदार बनलेल्या लो स्कोअरिंग सामन्यात दिल्लीने अखेरच्या षटकात बाजी मारली.
कोलकाताने दिलेल्या अवघ्या १२६ धावाचं लक्ष्य पार करण्यासाठी दिल्लीला २०वं षटक गाठावं लागलं. कोलकाताच्या गोलंदाजांनी दिल्लीला सोपा वाटणारा विजय काहीसा कठीण बनवला खरं, पण त्याचं विजयात रुपांतर करता आलं नाही.
केकेआरने दिल्लीचे 6 फलंदाज बाद करत सामना शेवटच्या षटकापर्यंत नेला. अखेरच्या षटकापर्यंत क्रिजवर उभा राहिलेल्या अक्षरने 21 चेंडूत नाबाद 21 धावा केल्या. दिल्लीकडून कर्णधार डेव्हिड वॉर्नरने 54 धावा तर मनिष पांडेने 21 धावा केल्या. केकेआरकडून वरूण चक्रवर्ती, अनुकूल रॉय आणि नितीश राणा यांनी प्रत्येकी 2 विकेट्स घेतल्या. (Latest sports updates)
कोलकाताची सुमार फलंदाजी
याआधी केकेआरने प्रथम फलंदाजी करताना दिल्लीपुढे विजयासाठी अवघं १२६ धावांचं आव्हान ठेवलं होतं. दिल्लीच्या गोलंदाजांनी केलेल्या भेदक माऱ्यासमोर जेसन रॉय आणि आंद्रे रसेल वगळता केकेआरचा एकही फलंदाज तग धरून शकला नाही.
अक्षर पटेल, कुलदीप यादव, ईशांत शर्मा आणि अनरिख नॉर्खिया यांच्या भेदक गोलंदाजीसमोर कोलकात्याच्या फलंदाजांनी नांगी टाकली. प्रथम फलंदाजी करताना कोलकात्याचा संघ निर्धारित २० षटकात १२७ धावांपर्यंत मजल मारु शकला. पावसामुळे उशीरा सुरू झालेल्या या सामन्यात दिल्लीचा कर्णधार डेव्हिड वॉर्नरने नाणेफेक जिंकत प्रथम गोलंदाजी करण्याचा निर्णय घेतला होता.
दिल्लीच्या गोलंदाजांनी आपल्या कर्णधाराचा निर्णय सार्थ ठरवला. दिल्लीने पॉवर प्लेमध्ये केकेआरला एकापाठोपाठ एक तीन धक्के दिले. मुकेश कुमारने लिटन दासला ४ तर नॉर्खियाने व्यंकटेश अय्यरला शुन्यावर बाद केले. पाठोपाठ इशांत शर्माने देखील नितीश राणाला ४ धावांवर बाद करत तिसरा धक्का दिला.
पॉवर प्लेमध्ये ३ विकेट्स गमावलेल्या केकेआरचा डाव रॉय आणि मनदीप सिंग सावरणार असे वाटत असतानाच दिल्लीच्या अक्षर पटेलने मनदीप सिंगला १२ तर रिंकू सिंहला ६ धावांवर बाद केले. यामुळे केकेआरची अवस्था ५ बाद ६४ अशी झाली. (Latest updates)
त्यानंतर एकाकी झुंड देणारा जेसन रॉयही माघारी परतला. रॉयने ३९ चेंडूत ४३ धावांची खेळी केली. अखेरच्या काही षटकांत आंद्रे रसेलने फटकेबाजी करत केकेआरला १२० धावांचा टप्पा पार करून दिला. आंद्रे रसेलने ३१ चेंडूत ३८ धावा केल्या. यामध्ये ४ षटकार आणि एका चौकाराचा समावेश होता. दिल्लीकडून इशान शर्मा, अक्षर पटेल, कुलदीप यादव, ऑनरिक नॉर्खियाने प्रत्येकी २ गड्यांना बाद केलं. याशिवाय मुकेश कुमारलाही एक विकेट्स मिळाली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.