Tokyo Paralympics : नेमबाज सिंगराज अधानाने पटकाविले कास्य

टोकियो : येथे सुरु असलेल्या पॅरालिंपिक स्पर्धेत भारताच्या सिंगराज अधानाने पुरुषांच्या दहा मीटर एअर पिस्तूल (एस एच १ गटात) क्रीडा प्रकारात कास्यपदक पटकाविले. सिंगराजने Singhraj Adhana पटकाविलेल्या पदकामुळे आजच्या दिवशी देशास पहिले तर एकूण आठ पदके मिळाली आहेत.

टोकियो पॅरालिंपिक tokyo paralympics स्पर्धेत साेमवारची सकाळ भारतीय खेळाडूंनी गाजविली. त्यानंतर दुपारच्या सत्रात देखील देशाच्या खेळाडूंची कामगिरी उंचावत गेली. आज (मंगळवार) सकाळपासून खेळाडू पात्रता फेरीचा पुढचा टप्पा गाठत हाेते हे सुखद मानलं जात हाेते. परंतु काही खेळाडूंची कामगिरी निराशजनक राहिली.

आज झालेल्या पुरुषांच्या दहा मीटर एअर पिस्तूल (एसएच १) क्रीडा प्रकारात सिंगराजने चिनी खेळाडूंना नेस्ताबूत केले. त्याने २१६.८ गुणांसह तिसरे स्थान पटकाविले. दरम्यान या स्पर्धेत पदकाची आशा असलेल्या मनीष नरवाल याने निराशा केली. ताे सातव्या स्थानावर राहिला. चीनचा चाओ यांग २३७.९ गुणांसह आणि चीनचा झिंग हुआंग २३७.५ गुणांसह पहिल्या आणि दुस-या क्रमांकावर राहिले.