Ind vs Pak, Asia Cup 2023: पाकिस्तानचे ८ गडी बाद, १८ ओव्हर शिल्लक; तरीही टीम इंडिया विजयी, असं काय घडलं?

India vs Pakistan News In Marathi: भारतीय संघाने या सामन्यात पाकिस्तान संघावर २२८ धावांनी विजय मिळवला आहे.
Ind vs Pak, Asia Cup 2023
Ind vs Pak, Asia Cup 2023Twitter

Ind vs Pak, Asia Cup 2023:

आशिया चषकातील सुपर ४ चा सामना भारत आणि पाकिस्तान या दोन्ही बलाढ्य संघांमध्ये पार पडला. या सामन्यात भारतीय संघाने पहिल्या चेंडूपासून ते शेवटच्या चेंडूपर्यंत पाकिस्तान संघावर दबाव बनवून ठेवला.

पहिल्या डावात विराट - राहुलच्या फटकेबाजीनंतर दुसऱ्या डावात कुलदीप यादवच्या फिरकी गोलंदाजीची जादू पाहायला मिळाली. यासह भारतीय संघाने या सामन्यात २२८ धावांनी विजय मिळवला आहे.

Ind vs Pak, Asia Cup 2023
IND VS PAK MATCH LIVE : विराट आणि के.एल.राहुलच्या शतकीय खेळीवर प्रेक्षक काय म्हणाले?

भारतीय संघाने या सामन्यात पाकिस्तानला विजयासाठी ३५७ धावांचे आव्हान दिले होते. या धावांचा पाठलाग करताना पाकिस्तानला अवघ्या १२८ धावा करता आल्या. ३२ व्या षटकात पाकिस्तानचा ८ वा विकेट गेला. इथून पुढे १८ षटके शिल्लक होती.

पाकिस्तानच्या २ विकेट्स शिल्लक होत्या. तरी भारतीय संघाला विजयी घोषित करण्यात आलं. यामागचं कारण असं की, राखीव दिवसाचा खेळ सुरू होण्यापूर्वीच हॅरिस रउफ दुखापतीमुळे मैदानावर उतरला नव्हता.

तर नसीम शाहने ९.२ षटके गोलंदाजी केली. मात्र त्यानंतर त्याला मैदान सोडावं लागलं. हेच कारण दोघेही फलंदाजीला येऊ शकले नाहीत. (Latest sports updates)

Ind vs Pak, Asia Cup 2023
Ind vs Pak: आधी धो-धो पाऊस, नंतर कोहली-राहुलचा वादळी तडाखा; पाकिस्तानला टीम इंडियाचं 357 धावांचं आव्हान

भारताचा जोरदार विजय..

या सामन्यात पाकिस्तानचा कर्णधार बाबर आझमने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करण्यासाठी आलेल्या भारतीय संघाकडून विराट कोहलीने सर्वाधिक १२२ धावांची खेळी केली.

या खेळी दरम्यान त्याने ९ चौकार आणि ३ गगनचुंबी षटकार मारले. तर केएल राहुलने नाबाद १११ धावांची खेळी केली. या खेळी दरम्यान त्याने १२ चौकार आणि २ षटकार मारले. तर सलामीला आलेल्या रोहित शर्माने आणि गिलने संघाला चांगली सुरुवात करून दिली होती.

गिलने या डावात आणि रोहितने ५६ धावांची खेळी केली. भारतीय संघाने पहिल्या डावात २ गडी बाद ३५६ धावांचा डोंगर उभारला. या धावांचा पाठलाग करताना सलामीवीर फखर जमानची २७ धावांची खेळी ही सर्वोत्तम खेळी ठरली.

तर सलमान आगा आणि इफ्तिकार अहमदने २३ धावांची खेळी केली. भारतीय संघाकडून गोलंदाजी करताना कुलदीप यादवने सर्वाधिक ५ विकेट्स घेतल्या.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com