आशिया चषक स्पर्धेत २०२३ भारतीय संघाचा दुसरा सामना आज नेपाळविरुद्ध रंगणार आहे. स्पर्धेतील पहिला सामना पाकिस्तानविरुद्ध रंगला होता. मात्र पावसाने बॅटिंग केल्याने हा सामना रद्द करण्यात आला होतं.
आता भारत विरूद्ध नेपाळ हा सामना देखील पल्लेकेलेच्या मैदानावर रंगणार आहे. दरम्यान सामन्यापूर्वी जाणून घ्या हवामानाचा अंदाज.
भारत - पाकिस्तान सामन्याप्रमाणेच भारत - नेपाळ सामन्यातही पाऊस पडण्याचा अंदाज वर्तवण्यात आला आहे. वेदर डॉट कॉमच्या अहवालानुसार सकाळी पाऊस पडण्याची शक्यता ही ८० टक्के इतकी असणार आहे.
मात्र आनंदाची बाब अशी की, दिवस जसजसा पुढे जाईल तसा पाऊस देखील कमी होणार आहे. मात्र क्रिकेट चाहत्यांची चिंता वाढवणारी बातमी अशी की, संध्याकाळी जोरदार पाऊस पडण्याचा अंदाज वर्तवण्यात आला आहे.
पावसामुळे रद्द झाला भारत - पाकिस्तान सामना..
भारत विरुद्ध पाकिस्तान हे दोन्ही संघ आशिया चषक २०२३ स्पर्धेतील तिसरा सामना खेळण्यासाठी मैदानात आले होते. या सामन्यात भारतीय संघाने नाणेफेक जिंकून प्रथम फलंदाजी करण्याचा निर्णय घेतला होता.
प्रथम फलंदाजी करताना भारतीय संघाने २६६ धावा केल्या होत्या. मात्र दुसऱ्या डावात पावसाने जोरदार हजेरी लावल्याने पाकिस्तान संघाला फलंदाजी करण्याची संधी मिळाली नाही. हा सामना रद्द करण्यात आला. तर दोन्ही संघांना प्रत्येकी १-१ गुण देण्यात आला. (Latest sports updates)
या सामन्यासाठी अशी असू शकते भारतीय संघाची प्लेइंग ११
रोहित शर्मा (कर्णधार), शुभमन गिल, विराट कोहली, श्रेयस अय्यर, ईशान किशन (यष्टिरक्षक), हार्दिक पंड्या, रवींद्र जडेजा, शार्दुल ठाकुर, मोहम्मद सिराज, मोहम्मद शमी आणि कुलदीप यादव
या सामन्यासाठी अशी असू शकते नेपाळची प्लेइंग ११:
कुशल भुर्टेल, आसिफ शेख (यष्टीरक्षक), रोहित पोडेल (कर्णधार), आरिफ शेख, कुशल मल्ला, गुलसन झा, सोमपाल कामी, दीपेंद्र सिंग ऐरी, करण केसी, संदीप लामिछाने, ललित राजबंशी
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.