Ind vs Aus Match Timings: भारत - ऑस्ट्रेलिया सामन्याची वेळ पुन्हा बदलली! किती वाजता सुरू होणार सामना?

भारत आणि ऑस्ट्रेलिया या दोन्ही संघांमध्ये ५ कसोटी सामन्यांची मालिका सुरू आहे. मालिकेतील पहिल्या सामन्यात भारतीय संघाने विजय मिळवला होता. तर मालिकेतील दुसऱ्या सामन्यात ऑस्ट्रेलियाने बाजी मारत मालिका १-१ ने बरोबरीत आणली आहे.

मालिका जिंकण्याच्या दृष्टीने तिसरा सामना दोन्ही संघांसाठी अतिशय महत्वाचा असणार आहे. हा सामना १४ डिसेंबरपासून ब्रिस्बेनमध्ये रंगणार आहे. दरम्यान हा सामना किती वाजता सुरू होणार? जाणून घ्या.

आतापर्यंत या मालिकेतील २ सामने खेळले गेले आहेत. पर्थमध्ये पार पडलेला सामना हा भारतीय वेळेनुसार, सकाळी ७ वाजून ५० मिनिटांनी सुरू झाला होता. त्यानंतर ॲडलेडमध्ये पिंक बॉल कसोटी सामना पार पडला होता.

हा सामना भारतीय वेळेनुसार सकाळी ९:३० वाजता सुरू झाला. आता तिसरा कसोटी सामना भारतीय वेळेनुसार सकाळी ५:५० मिनिटांनी सुरू होणार आहे. तर टॉस ५ :२० ला होईल.

गाबाची खेळपट्टी ही वेगवान गोलंदाजांसाठी फायदेशीर ठरते. या खेळपट्टीवर वेगवान गोलंदाजांना गती आणि उसळी मिळते.

मालिकेतील दोन्ही सामन्यात भारतीय फलंदाजांना हवी तशी कामगिरी करता आलेली नाही. त्यामुळे तिसऱ्या कसोटीत भारतीय फलंदाजांकडून चांगल्या कामगिरीची अपेक्षा असणार आहे.

कुठे पाहता येणार लाईव्ह?

मालिकेतील तिसरा सामना ब्रिस्बेनच्या गाबामध्ये रंगणार आहे. हा सामना स्टार स्पोर्ट्सवर लाईव्ह पाहता येईल. यासह हा सामना तुम्ही डिस्नी प्लस हॉटस्टारवर लाईव्ह पाहू शकता. सध्या दोन्ही संघ १-१ ने बरोबरीत आहेत. त्यामुळे मालिकेतील तिसऱ्या सामन्यात दोन्ही संघांमध्ये चुरशीची लढत पाहायला मिळेल.

भारत - ऑस्ट्रेलिया सामन्याची वेळ

नाणेफेक - सकाळी ५:२०

पहिला सेशन - सकाळी ५:५० ते ७:५०

लंच -४० मिनिटे

दुसरा सेशन - सकाळी ८:३० ते १०:३०

टी - २० मिनिटे

तिसरा सेशन - सकाळी १०:५० ते १२:५०