आयसीसी टी-२० वर्ल्डकप स्पर्धेत सुपर ८ फेरीतील सामन्यांना प्रारंभ होणार आहे. भारतीय संघाचा पहिला सामना २० जून रोजी अफगाणिस्तानविरुद्ध होणार आहे. हा सामना बारबाडोसच्या मैदानावर होणार आहे.
भारतीय संघाने या स्पर्धेतील सलग ३ सामने जिंकत सुपर ८ मध्ये प्रवेश केला आहे. हे तिन्ही सामने जिंकले असले, तरीदेखील फलंदाजी हा भारतीय संघाचा चिंता वाढवणारा विषय ठरतो. कारण विराट कोहली, रोहित शर्मा हे दोन्ही मुख्य फलंदाज आतापर्यंत फ्लॉप ठरले आहेत. दरम्यान या सामन्यापूर्वी भारतीय संघाचं टेन्शन वाढवणारी आकडेवारी समोर आली आहे.
बारबाडोसमध्ये भारतीय संघाच्या पराभवाचा रेकॉर्ड हा १०० टक्के आहे. कारण भारतीय संघाने आतापर्यंत या मैदानावर २ सामने खेळले आहेत. यादरम्यान भारतीय संघाला दोन्ही सामन्यांमध्ये पराभवाचा सामना करावा लागला आहे. २०१० मध्ये झालेल्या स्पर्धेत भारतीय संघाला याच मैदानावर ऑस्ट्रेलिया आणि वेस्टइंडिजने पराभूत केलं होतं. याच मैदानावर भारतीय संघाला अफगाणिस्तानचा सामना करायचा आहे. त्यामुळे अफगाणिस्तानचे फिरकी गोलंदाज भारतीय संघाचं टेन्शन वाढवू शकतात.
भारतीय संघ १४ वर्षानंतर टी-२० वर्ल्डकपचे सामने खेळणार आहे. २०१० मध्ये झालेल्या स्पर्धेत भारतीय संघाने अफगाणिस्तान आणि दक्षिण आफ्रिकेला पराभूत करत पुढच्या फेरीत प्रवेश केला होता. त्यानंतर ऑस्ट्रेलियाकडून पराभूत होऊन भारतीय संघाला स्पर्धेतून बाहेर पडावं लागलं होतं. त्यानंतर पुढील सामन्यात वेस्टइंडिजने भारतीय संघाला पराभूत केलं होतं.
भारतीय संघाने साखळी फेरीतील ४ पैकी ३ सामने जिंकले. तर १ सामना हा पावसामुळे रद्द करण्यात आला. आता सुपर ८ मध्ये भारतीय संघाचे ३ सामने अफगाणिस्तान, बांगलादेश आणि ऑस्ट्रेलिया या संघांविरुद्ध रंगणार आहे. हे सामने २० जून, २२ जून आणि २४ जून रोजी रंगणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
