भारत विरुद्ध न्यूझीलंड यांच्यातील चौथा सामना उद्या, शुक्रवारी (13 नोव्हेंबर) होणार आहे. या सामन्यात भारताची प्लेइंग इलेव्हन बदलणार आहे. चौथ्या आणि पाचव्या सामन्यासाठी भारतीय संघाचा कर्णधारही बदलण्यात आला आहे. शुभमन गिल आणि केएल राहुल चौथ्या सामन्यात खेळणार नाहीत. विशेष म्हणजे माजी कर्णधार रोहित शर्मा याला नवा ओपनिंग पार्टनर मिळणार आहे. मालिकेत २-० ने आघाडी घेतलेल्या भारतीय संघात इतके बदल झाल्यानंतर चौथ्या सामन्यात प्लेइंग इलेव्हन कशी असेल याबाबत कमालीची उत्सुकता आहे.
भारत-न्यूझीलंड सामना शुक्रवारी होणार आहे. अखेरच्या दोन सामन्यांत गिल आणि राहुल खेळणार नाहीत. याची घोषणा आधीच करण्यात आली आहे. कसोटी मालिकेच्या तयारीसाठी हे दोघे आधीच रवाना झाले आहेत. त्यामुळं कर्णधारपदाची जबाबदारी श्रेयस अय्यरकडे देण्यात आली आहे. तो पहिल्यांदाच वनडेत भारताचं नेतृत्व करणार आहे. त्यामुळं आता रोहित शर्मासोबत सलामीला कोण येणार असा प्रश्न आहे.
शुभमन गिलच्या अनुपस्थितीत रोहित शर्माच्या जोडीला सलामीला कोण येणार असा प्रश्न उपस्थित होत आहे. भारताकडे दोन पर्याय आहेत. ऋतुराज गायकवाड आणि इशान किशन यापैकी एकाला संधी मिळू शकते. इशान किशन हा दोन सामन्यांसाठी उपकर्णधार आहे. त्यामुळं प्लेइंग इलेव्हनमध्ये त्याची जागा निश्चित असल्याचं मानलं जातंय. तर ऋतुराज गायकवाड याला सलामीला खेळवण्याची दाट शक्यता आहे. त्याला वनडे सामने खेळण्याची संधी खूप कमी मिळाली आहे. पण जेव्हा संधी मिळाली तेव्हा त्यानं तिचं सोनं केलंय. इशानला सलामीला खेळवला नाही तर, मधल्या फळीत तो फलंदाजीला येऊ शकतो.
रोहित शर्मा, विराट कोहली, ऋतुराज गायकवाड, श्रेयस अय्यर, अक्षर पटेल, इशान किशन, नमन धीर, आकिब नबी, गुरनूर बरार, अर्शदीप सिंग, मोहम्मद सिराज, तिलक वर्मा, कुलदीप यादव, कुमार कुशाग्र, यश ठाकूर
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.