IND VS AUS 2nd Test: टीम इंडियाचं जोरदार कमबॅक!ऑस्ट्रेलियाचा पहिला डाव २६३ धावांवर आटोपला

IND VS AUS 2nd Test:भारत विरुद्व ऑस्टेलिया या दोन्ही संघांमध्ये ४ कसोटी सामन्यांची मालिका सुरु आहे. या मालिकेतील दुसरा सामना हा दिल्लीच्या अरुण जेटली स्टेडियमवर सुरु आहे. या सामन्यातील पहिल्या डावात दोन्ही संघातील खेळाडूंकडून बरोबरीचा खेळ पाहायला मिळाला. दरम्यान ऑस्ट्रेलियाचा पहिला डाव २६३ धावांवर संपुष्ठात आला आहे.

ऑस्ट्रेलिया संघाची चांगली सुरुवात..

ऑस्ट्रेलिया संघाने या सामन्यात नाणेफेक जिंकून प्रथम फलंदाजी करण्याचा निर्णय घेतला होता. ऑस्ट्रेलिया संघाकडून डेव्हिड वॉर्नर स्वस्तात माघारी परतल्यानंतर, उस्मान ख्वाजाने जबाबदारी स्वीकारली. त्याने १२५ चेंडूंचा सामना करत ८१ धावांची खेळी केली .

तर स्टीव्ह स्मिथ या सामन्यात मोठी खेळी करेल असा अंदाज व्य्तक केला गेला होता. मात्र तो देखील स्वस्तात माघारी परतला. ऑस्ट्रेलिया संघाकडून पीटर हॅंड्सकॉंबने नाबाद ७२ धावांची खेळी केली. तर कर्णधार पॅट कमिन्सने ३३ आणि मार्नस लाबशेनने १८ धावांचे योगदान दिले. ऑस्टेलियाचा पहिला डाव ७८.४ षटकात २६३ धावांवर संपुष्टात आला.

भारतीय गोलंदाजांची दमदार कामगिरी..

या सामन्यात सुरुवातीला बॅकफूटवर राहिल्यानंतर भारतीय गोलंदाजांनी जोरदार पुनरागमन केले होते. या डावात भारतीय संघातील वेगवान गोलंदाज मोहम्मद शमीने सर्वाधिक ४ गडी बाद केले. तर फिरकी गोलंदाज आर अश्विन आणि रवींद्र जडेजाने प्रत्येकी ३-३ गडी बाद केले.

दुसऱ्या कसोटी सामन्यासाठी अशी आहे भारतीय संघाची प्लेइंग ११ :

केएल राहुल, रोहित शर्मा, चेतेश्वर पुजारा, विराट कोहली, श्रेयस अय्यर, रविंद्र जडेजा, केएस भरत, अश्विन, अक्षर पटेल, मोहम्मद शमी आणि मोहम्मद सिराज.

ऑस्ट्रेलिया :डेविड वॉर्नर, उस्मान ख्वाजा, मार्नस लाबुशेन, स्टीव स्मिथ, ट्रेविस हेड, पीटर हँड्सकॉंब, ॲलेक्स कॅरी, पॅट कमिंस, टॉड मर्फी, मॅथ्यु कुन्हेमन आणि नाथन लियॉन.