ICC: जुलै महिन्यासाठी प्लेअर ऑफ द मंथ पुरस्काराची घोषणा करण्यात आली आहे. इंग्लंडचा अष्टपैलू ख्रिस वोक्सची आयसीसी प्लेअर ऑफ द मंथ म्हणून निवड करण्यात आली आहे. या खेळाडूने ॲशेस मालिकेत दमदार कामगिरी केली होती.
तर ऑस्ट्रेलियाची खेळाडू ॲशले गार्डनरची वुमेन्स प्लेअर ऑफ द मंथ म्हणून निवड करण्यात आली आहे. यासह तिच्या नावे एका मोठ्या विक्रमाची नोंद झाली आहे.
ॲशले गार्डनरने रचला इतिहास..
ऑस्ट्रेलियाच्या महिला संघातील खेळाडू ॲशले गार्डनरची जून महिन्यात देखील प्लेअर ऑफ द मंथ म्हणून निवड करण्यात आली होती. आता जुलै महिन्यात देखील दमदार कामगिरीचं फळ म्हणून तिची प्लेअर ऑफ द मंथ म्हणून निवड करण्यात आली आहे. यासह तिच्या नावे एका मोठ्या विक्रमाची नोंद झाली आहे. ती सलग दोन वेळेस प्लेअर ऑफ द पुरस्कार पटकावणारी ॲशले गार्डनर ही पहिलीच खेळाडू ठरली आहे. (Latest sports updates)
ॲशेस मालिकेत ख्रिस वोक्सची दमदार कामगिरी..
काही दिवसांपूर्वीच इंग्लंड विरुध्द ऑस्ट्रेलिया या दोन्ही संघांमध्ये ॲशेस मालिकेचा थरार रंगला. या मालिकेत इंग्लंडकडून ख्रिस वोक्स चमकला. ५ कसोटी सामन्यांच्या मालिकेत केलेल्या चमकदार कामगिरीच्या बळावर त्याची प्लेअर ऑफ द सिरीज म्हणून निवड करण्यात आली होती. मुख्य बाब म्हणजे सुरुवातीच्या २ सामन्यांमध्ये त्याला खेळायची संधी मिळाली नव्हती.
या दोन्ही सामन्यांमध्ये यजमान इंग्लंड संघाला पराभवाचा सामना करावा लागला होता. त्यानंतर तिसऱ्या कसोटीत ख्रिस वोक्सचे कमबॅक पाहायला मिळाले होते. इथून पुढे इंग्लंडने २ सामने जिंकले. तर १ सामना अनिर्णित राहिला होता.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.