Rohit Sharma Practise: हिटमॅन इज बॅक! रणजी ट्रॉफीआधी रोहित अजिंक्य रहाणेसोबत उतरला मैदानात; Video

भारतीय संघाचा कर्णधार रोहित शर्माने दमदार कमबॅक करण्यासाठी कंबर कसली आहे. ऑस्ट्रेलिया दौऱ्यावर त्याची बॅट शांतच राहिली. या मालिकेत त्याला ३ सामने खेळण्याची संधी मिळाली. या सामन्यांमध्ये त्याला अवघ्या ३१ धावा करता आल्या. रोहितपेक्षा जास्त धावा जसप्रीत बुमराहने केल्या होत्या. आता चॅम्पियन्स ट्रॉफीच्या पार्श्वभूमीवर तो कसून सराव करताना दिसून आला आहे.

येत्या २३ जानेवारीपासून रणजी ट्रॉफी स्पर्धेच्या दुसऱ्या टप्प्यातील सामन्यांना सुरुवात होणार आहे. या स्पर्धेसाठी मुंबईचे खेळाडू सराव करण्यासाठी मैदानात उतरले. दरम्यान रोहित शर्माही सराव करताना दिसून आला आहे. एक फोटो सोशल मीडियावर तुफान व्हायरल होतोय ज्यात रोहित शर्मा अजिंक्य रहाणेसोबत सराव करताना दिसून येत आहे. चॅम्पियन्स ट्रॉफीआधी रणजी ट्रॉफी स्पर्धेतील सामने रंगणार आहेत. त्यामुळे रोहित यावेळी रणजी क्रिकेट खेळताना दिसून येऊ शकतो.

रोहित शर्मा रणजी ट्रॉफीत खेळणार?

रणजी ट्रॉफीतील दुसऱ्या टप्प्यातील सामन्यांना येत्या २३ फेब्रुवारीपासून सुरुवात होणार आहे. मात्र रोहित शर्मा रणजी ट्रॉफी खेळणार का? हे अजूनही स्पष्ट झालेलं नाही. चॅम्पियन्स ट्रॉफीआधी इंग्लंडचा संघ भारत दौऱ्यावर येणार आहे.

दोन्ही संघांमध्ये ५ टी-२० आणि ३ वनडे सामन्यांची मालिका रंगणार आहे. टी-२० मालिकेला २२ जानेवारीपासून तर, वनडे मालिकेला ६ फेब्रुवारीपासून सुरुवात होणार आहे.

रोहित शर्मा जर गेल्या १० वर्षांपासून रणजी ट्रॉफी खेळण्यासाठी मैदानात उतरलेला नाही. तो २०१५ मध्ये शेवटचा कसोटी सामना खेळताना दिसून आला होता. आता १५ वर्षांनंतर तो पुन्हा एकदा रणजी क्रिकेट खेळणार असल्याची दाट शक्यता वर्तविली जात आहे.

रोहितच्या कसोटी कारकिर्दीबद्दल बोलायचं झालं, तर त्याने ६७ कसोटी सामन्यातील ११६ डावात ४०.५७ च्या सरासरीने ४३०१ धावा केल्या आहेत. यादरम्यान त्याला १२ शतकं झळकावता आली आहेत. यासह १८ अर्धशतकं झळकावली आहेत.