World Cup 2023: वर्ल्डकपसाठी दिग्गजाने निवडला भारतीय संघ! संघातील या २ प्रमुख खेळाडूंना ठेवलं संघाबाहेर

Team India Squad For World Cup 2023:

आगामी वनडे वर्ल्डकप २०२३ स्पर्धेचा थरार भारतात रंगणार आहे. स्पर्धेतील पहिला सामना ५ ऑक्टोबर रोजी इंग्लंड विरूद्ध न्यूझीलंड या दोन्ही संघांमध्ये रंगणार आहे.

दरम्यान भारताचे माजी क्रिकेटपटू के श्रीकांत यांनी वर्ल्डकप २०२३ स्पर्धेसाठी भारतीय खेळाडूंचा १५ सदस्यीय संघ निवडला आहे.

या संघात सर्वात जास्त आश्चर्यतकीत करणारी बाब म्हणजे के श्रीकांत यांनी संघातील २ प्रमुख खेळाडूंना बाहेर ठेवलं आहे.

के श्रीकांत यांनी वर्ल्डकपसाठी निवडला भारतीय संघ..

के श्रीकांत यांनी वर्ल्डकप स्पर्धेसाठी कर्णधार रोहित शर्मा,युवा फलंदाज शुबमन गिल आणि ईशान किशनची सलामीवीर फलंदाज म्हणून निवड केली आहे.

तर मध्यक्रमात फलंदाजी करण्यासाठी त्यांनी केएल राहुल, विराट कोहली आणि सूर्यकुमार यादवची निवड केली आहे. तर यष्टीरक्षक फलंदाज म्हणून त्यांनी ईशान किशन आणि केएल राहुलला संघात स्थान दिले आहे.

अष्टपैलू खेळाडू म्हणून या खेळाडूंना दिलं स्थान..

के श्रीकांत यांनी निवडलेल्या संघात हार्दिक पंड्या, रविंद्र जडेजा, अक्षर पटेल आणि शार्दूल ठाकूरला अष्टपैलू खेळाडू म्हणून संघात स्थान दिले गेले आहे. या संघातून त्यांनी श्रेयस अय्यर आणि आर अश्विनला बाहेर ठेवलं आहे.

आशिया चषक स्पर्धेसाठी निवडलेल्या संघात स्थान न मिळालेल्या युजवेंद्र चहलला के श्रीकांत यांनी वर्ल्डकप संघात स्थान दिले आहे.

चहलसह त्यांनी फिरकी गोलंदाज म्हणून कुलदीप यादवला संघात स्थान दिलं आहे. तर वेगवान गोलंदाज म्हणून जसप्रीत बुमराह, मोहम्मद शमी आणि मोहम्मद सिराजची निवड केली आहे. (Latest sports updates)

असा आहे के श्रीकांत यांनी निवडलेला भारतीय संघ:

रोहित शर्मा, शुभमन गिल,ईशान किशन, विराट कोहली, सूर्यकुमार यादव,केएल राहुल,हार्दिक पंड्या, रवींद्र जडेजा,अक्षर पटेल,शार्दुल ठाकुर,युजवेंद्र चहल,कुलदीप यादव,जसप्रीत बुमराह, मोहम्मद शमी, मोहम्मद सिराज