Fakhar Zaman Catch Controversy : एकीकडे अश्रूंच्या धारा, दुसरीकडे वादाचे सूर; भारत-पाकिस्तानच्या दुसऱ्या सामन्यात नवा ड्रामा

Fakhar Zaman : आशिया कप २०२५ सुपर ४ सामन्यात पाकिस्तानच्या फलंदाज फखर जमा फक्त १४ धावा करून बाद झाला. भारताचा अष्टपैलू हार्दिक पंड्याच्या चेंडूवर फखर जमाचा कॅच संजू सॅमसनने घेतला. फखर जमा झेलबाद झाल्यानंतर आक्षेप घेतला. मात्र, तिसऱ्या पंचाने बाद घोषित केल्यानंतरही चेहऱ्यावर नाराजीचे सूर होते.

फखर जमांच्या बॅटचा कट लागून विकेटकिपर संजू सॅमसनकडे पोहोचला. तिसऱ्या पंचाच्या निर्णयानंतर फखरला धक्का बसला. फखर जमांच्या बॅटचा कट लागून चेंडू हा संजू सॅमसनच्या हातात बसला. चेंडू हा जमिनीवर आदळल्याचा फखरचा दावा होता. मात्र, तिसऱ्या पंचाने फखरला बाद घोषित केलं. त्याने फखरला धक्का बसल्याचं पाहायला मिळालं.

तिसऱ्या पंचाच्या निर्णयानंतर फखर जमा नाराज झाल्याचं दिसून आलं. तंबूत परतल्यानंतर फखर जमां त्यांच्या टीमचा प्रमुख कोच माइक हेसनला तक्रार करताना दिसला. तक्रार करतानाही फखर नाराज असल्याचे चेहऱ्यावर भाव होते.

फखर जमांची विकेटवरून नवा ड्रामा सुरु झाला आहे. सोशल मीडियावर पाकिस्तानी चाहत्यांनी फखर जमां बाद नसल्याचं म्हणत पंचाने चुकीचा निर्णय दिल्याचे बोलत आहेत. तर भारतीय चाहते पंचाच्या बाजूने बोलत आहेत. संजू सॅमसनने फखर जमांचा चांगला कॅच घेतला. मात्र, टीम इंडियाच्या पॉवरप्लेमध्ये दोन कॅच सोडले. थर्ड मॅनवर फिल्डिंगसाठी उभ्या असलेल्या अभिषेक शर्माने कॅच सोडली. तर कुलदीप यादवने फाइन लेगवर कॅच सोडली.