DC VS RR : अभिषेक-केएलचा संयमी खेळ, अक्षर-स्टब्सची आक्रमक धुलाई; राजस्थानसमोर दिल्लीनं ठेवलं 'इतक्या' धावांचं आव्हान

IPL 2025 मधील 32 वा म्हणजेच दिल्ली कॅपिटल्स विरुद्ध राजस्थान रॉयल्स हा सामना रंगला आहे. या सामन्यात राजस्थानचा कर्णधार संजू सॅमसनने टॉस जिंकला आणि प्रथम गोलंदाजी करण्याचा निर्णय घेतला. त्यानंतर दिल्ली कॅपिटल्सचे फलंदाज मैदानात उतरले. दिल्लीच्या शिलेदारांनी २० ओव्हर्समध्ये १८८ धावा केल्या. आता सामना जिंकण्यासाठी राजस्थानला १८९ धावा कराव्या लागणार आहेत.

जॅक फ्रेझर-मॅकगर्क आणि अभिषेक पोरेल सलामीसाठी मैदानात उतरले. जोफ्रा आर्चरच्या ओव्हरमध्ये जॅक फ्रेझर-मॅकगर्क कॅचआउट झाला. यशस्वी जयस्वालने त्याची कॅच पकडली. त्यानंतर करुण नायर फलंदाजी करण्यासाठी मैदानात उतरला. दिल्ली विरुद्ध मुंबई सामन्यात दमदार खेळ करणारा करुण नायर शून्यावर आउट झाला. अभिषेक पोरेल ४९ धावांवर बाद झाला. केले राहुलने ३८ धावा, तर कॅप्टन अक्षर पटेलने ३४ धावा केल्या. ट्रिस्टन स्टब्स आणि आशुतोष शर्मा यांनी शेवटच्या ओव्हरमध्ये खेळ सावरला. स्टब्सने नाबाद ३४ धावा केल्या. त्याला साथ देताना आशुतोषने १५ धावा केल्या.

सुरुवातीला सामना दिल्लीच्या बाजूला झुकत होता. पण विकेट्स पडायला सुरुवात झाल्यानंतर राजस्थानने कमबॅक केले. राहुल आणि अभिषेकची विकेट पडल्यानंतर डाव अक्षरने आणि त्यानंतर ट्रिस्टन स्टब्सने सावरला. दुसऱ्या बाजूला जोफ्रा आर्चरने २ गडी बाद केले. महीशा थीक्षणा आणि वनिंदू हसरंगा यांनी प्रत्येकी १-१ विकेट घेतली.

राजस्थान रॉ़यल्सची प्लेईंग ११ -

यशस्वी जैस्वाल, संजू सॅमसन (कर्णधार), नितीश राणा, रियान पराग, ध्रुव जुरेल, शिमरोन हेटमायर, वनिंदू हसरंगा, जोफ्रा आर्चर, महीशा थीक्षणा, संदीप शर्मा, तुषार देशपांडे

दिल्ली कॅपिटल्सची प्लेईंग ११ -

जॅक फ्रेझर-मॅकगर्क, अभिषेक पोरेल, करुण नायर, लोकेश राहुल, अक्षर पटेल (कर्णधार), ट्रिस्टन स्टब्स, आशुतोष शर्मा, विपराज निगम, मिचेल स्टार्क, कुलदीप यादव, मोहित शर्मा.