IPL 2021: आयपीएल 2021 (IPL 2021) च्या दुसऱ्या टप्प्यात, दिल्ली कॅपिटल्स आणि राजस्थान रॉयल्सचा (DC vs RR) संघ शनिवारी (25 सप्टेंबर) आमनेसामने येणार आहे. दिल्ली कॅपिटल्सचा संघ अतिशय चांगल्या स्थितीत दिसत आहे. दिल्लीचा संघ राजस्थान रॉयल्सविरुद्ध विजय नोंदवून प्लेऑफमध्ये स्थान मिळवण्यास तयार आहे. सनरायझर्स हैदराबादविरुद्ध दिल्ली कॅपिटल्सची दमदार कामगिरी होती. कॅपिटल्सची फलंदाजी आणि गोलंदाजी उत्तम लयीत दिसत होती. मात्र, संघाला क्षेत्ररक्षणात अजून काम करण्याची गरज आहे. संघासाठी सर्वात वाईट बातमी म्हणजे मार्कस स्टोयनीस दुखापत ग्रस्त झाला आहे. जर तो सामन्यापूर्वी तंदुरुस्त नसेल तर त्याच्या जागी टॉम करण किंवा बेन द्वारशुईसला संघात स्थान मिळू शकते.
पृथ्वी शॉ हैदराबादविरुद्ध 11 धावा करून स्वस्तात बाद झाला. पण संघाच्या इतर फलंदाजांनी चांगली कामगिरी केली. शिखरच्या 42 धावा आणि श्रेयस अय्यरच्या 47 धावांनी तो परत फॉर्ममध्ये परत येवू शकतो. कर्णधार पंतने 35 धावा केल्या होत्या. अशा स्थितीत फलंदाजांच्या कामगिरीवर संघ मोठी धावसंख्या उभारू शकतो. गोलंदाजीत एनरिक आणि रबाडा यांनी चमकदार गोलंदाजी केली आहे. त्यांनी मिळून 5 बळी घेतले होते. अक्षर आणि अश्विनने उत्तम फिरकी गोलंदाजी केली आहे.
राजस्थान रॉयल्सनेही मागील सामन्यात रोमहर्षक विजय मिळवला होता. त्यामुळे राजस्थानचा संघ आपला विजयी प्रवास असाच चालू ठेवू इच्छितो. पहिल्या लेगमध्ये संघर्ष करणाऱ्या रॉयल्सने पंजाब किंग्जवर दोन धावांनी रोमहर्षक विजय मिळवून त्यांचे मनोबल वाढवले आहे. दिल्लीविरुद्धच्या विजयामुळे रॉयल्सच्या प्लेऑफमध्ये पोहोचण्याच्या आशा वाढू शकतात. युवा यशस्वी जैस्वाल आणि महिपाल लोमरोर यांनी पंजाबविरुद्ध चांगली फलंदाजी केली पण कर्णधार संजू सॅमसनला अधिक जबाबदारी घेण्याची गरज आहे. गोलंदाजीमध्ये वेगवान गोलंदाज कार्तिक त्यागी आणि बांगलादेशचा मुस्तफिजुर रहमान यांनी डेथ ओव्हरमध्ये चांगली कामगिरी केली. त्यांनी दिल्लीविरुद्ध डेथ ओव्हर्समध्येही अशीच गोलंदाजी करावी अशी संघाची अपेक्षा असेल. तथापि, त्यांना दिल्लीच्या मजबूत फलंदाजीचा सामना करावा लागेल ज्यामध्ये शिखर धवन आणि पृथ्वी शॉची सलामीची जोडी चांगल्या फॉर्ममध्ये असल्याचे दिसते.
दिल्ली कॅपिटल्सची संभाव्य प्लेइंग इलेव्हन-
पृथ्वी शॉ, शिखर धवन, श्रेयस अय्यर, ऋषभ पंत (c & wk), मार्कस स्टोइनिस/टॉम कुरान, शिमरॉन हेटमायर, अक्षर पटेल, रविचंद्रन अश्विन, कागिसो रबाडा, अन्रीक नोरखिया, अवेश खान
राजस्थान रॉयल्सची संभाव्य प्लेइंग इलेव्हन-
यशस्वी जैस्वाल, एविन लुईस, संजू सॅमसन (c & wk), लियाम लिव्हिंगस्टोन, महिपाल लोमर, रियान पराग, राहुल तेवातीया, ख्रिस मॉरिस, मुस्तफिजुर रहमान, चेतन साकारिया, कार्तिक त्यागी
Edited By: Pravin Dhamale
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.