David Warner Record: दिल्लीचा पराभव मात्र 'वन मॅन शो' बॅटिंग करणाऱ्या वॉर्नरने IPL च्या मोठ्या विक्रमाला घातली गवसणी

RR VS DC IPL 2023 Highlights: आयपीएल २०२३ स्पर्धेतील ११ वा सामना राजस्थान रॉयल्स आणि दिल्ली कॅपिटल्स या दोन्ही संघांमध्ये पार पडला. या रोमांचक सामन्यात राजस्थान रॉयल्स संघाने प्रथम फलंदाजी करताना ४ गडी बाद १९९ धावा केल्या होत्या.

दरम्यान या धावांचा पाठलाग करताना दिल्ली कॅपिटल्स संघाला अवघ्या १४२ धावा करता आल्या. या सामन्यात राजस्थान रॉयल्स संघाने ५७ धावांनी विजय मिळवला. दरम्यान या सामन्यात ६१ धावांची खेळी करणाऱ्या डेव्हिड वॉर्नरच्या नावे एका मोठ्या विक्रमाची नोंद झाली आहे.

दिल्ली कॅपिटल्स संघाला या हंगामात सूर गवसला नाहीये. सुरुवातीच्या तिनही सामन्यांमध्ये दिल्ली कॅपिटल्स संघाला पराभवाचा सामना करावा लागला आहे. एकट्या डेव्हिड वॉर्नरला वगळलं तर इतर फलंदाज धावा करताना संघर्ष करताना दिसून येत आहेत.

दरम्यान राजस्थान रॉयल्स संघाविरुद्ध झालेल्या सामन्यात त्याने ६५ धावांची खेळी केली. या खेळीसह त्याने आयपीएल स्पर्धेत ६००० धावा पूर्ण केल्या आहेत. असा कारनामा करणारा तो तिसरा फलंदाज ठरला आहे. या यादीत विराट कोहली पहिल्या स्थानी तर शिखर धवन दुसऱ्या स्थानी आहे. (Latest sports updates)

आयपीएल स्पर्धेत ६००० पेक्षा अधिक धावा करणारे फलंदाज..

विराट कोहली- ६७२७

शिखर धवन - ६३७०

डेव्हिड वॉर्नर -६००३

तसेच या सामन्याबद्दल बोलायचं झालं तर, राजस्थान रॉयल्स संघाने प्रथम फलंदाजी करताना १९९ धावा केल्या होत्या. राजस्थान रॉयल्स संघाकडून जोस बटलरने सर्वाधिक ७९ धावांची खेळी केली.तर यशस्वी जयस्वालने ६० आणि शिमरन हेटमायरने ३० धावांची खेळी केली.

या धावांचा पाठलाग करताना डेव्हिड वॉर्नरने सर्वाधिक ६१ धावांची खेळी केली. तर इतर कुठल्याही फलंदाजाला मोठी खेळी करता आली नाही. या सामन्यात दिल्ली कॅपिटल्स संघाला ५७ धावांनी पराभवाचा सामना करावा लागला.