IPL 2023 Winner: गुजरातला नमवत थालाची CSK ठरली IPL चॅम्पियन! पाचवे जेतेपद मिळवत केली मुंबईची बरोबरी

CSK vs GT FINAL : आयपीएल २०२३ स्पर्धेला अखेर विजेता संघ मिळाला आहे. स्पर्धेतील अंतिम सामना चेन्नई सुपर किंग्ज आणि गुजरात टायटन्स या दोन्ही संघांमध्ये पार पडला. या सामन्यात चेन्नई सुपर किंग्ज संघाने जोरदार कामगिरी करत विजय मिळवला आहे. यासह आयपीएल स्पर्धेतील जेतेपदावर पाचव्यांदा नाव कोरले आहे.

गुजरातने उभारला २१४ धावांचा डोंगर..

या सामन्यात चेन्नई सुपर किंग्ज संघाने नाणेफेक जिंकून प्रथम गोलंदाजी करण्याचा निर्णय घेतला होता. गुजरात टायटन्स संघाकडून प्रथम फलंदाजी करताना वृद्धिमान साहा आणि शुभमन गिलने चांगली सुरुवात करून दिली होती.

दोघांनी मिळून ६७ धावांची भागीदारी केली. शुभमन गिल ३९ धावा करत माघारी परतला. तर वृद्धिमान साहाने जबाबदारी स्वीकारत ५४ धावांची खेळी केली. तर साहा बाद झाल्यानंतर साई सुदर्शने चेन्नईच्या गोलंदाजांचा समाचार घ्यायला सुरुवात केली.

त्याने या डावात ९६ धावांची खेळी केली. गुजरात टायटन्स संघाने प्रथम फलंदाजी करताना २१४ धावा केल्या होत्या. तर चेन्नईला जेतेपद मिळवण्यासाठी २१५ धावांची गरज होती. (Latest Sports Updates)

अशी आहे दोन्ही संघांची प्लेइंग

चेन्नई सुपर किंग्ज:

ऋतुराज गायकवाड, डेव्हॉन कॉनवे, अजिंक्य रहाणे, मोईन अली, अंबाती रायुडू, रवींद्र जडेजा, एमएस धोनी (कर्णधार आणि यष्टीरक्षक), दीपक चहर, मथीशा पाथीराना, तुषार देशपांडे, महिश थिक्षणा

गुजरात टायटन्स:

वृद्धिमान साहा (यष्टीरक्षक), शुभमन गिल, साई सुदर्शन, हार्दिक पांड्या (कर्णधार), विजय शंकर, डेव्हिड मिलर, राहुल तेवतिया, राशीद खान, मोहित शर्मा, नूर अहमद, मोहम्मद शमी