Matthew Wade Retirement News: येत्या काही दिवसांत भारत- ऑस्ट्रेलिया यांच्यातील बॉर्डर- गावसकर ट्रॉफीला सुरुवात होणार आहे. या मालिकेसाठी भारतीय संघाची घोषणा करण्यात आली आहे. दरम्यान ही मालिका सुरु होण्यापूर्वीच ऑस्ट्रेलिया संघातील स्टार यष्टीरक्षक फलंदाज मॅथ्यू वेडने आंतरराष्ट्रीय क्रिकेटला राम राम केला आहे.
मॅथ्यू वेडला ऑस्ट्रेलियासाठी ३ टी-२० वर्ल्डकप खेळण्याची संधी मिळाली. दुबईमध्ये झालेल्या टी-२० वर्ल्डकप २०२१ स्पर्धेसाठी त्याची ऑस्ट्रेलियाच्या उपकर्णधारपदी निवड करण्यात आली होती. या स्पर्धत ऑस्ट्रेलियाने जेतेपदाला गवसणी घातली होती. या स्पर्धेतील सेमीफायनलमध्ये पाकिस्तानविरुद्ध खेळताना त्याने १७ चेंडूत ४१ धावांची शानदार खेळी केली होती.
या शानदार खेळीच्या बळावर त्याने ऑस्ट्रेलियाला फायनलमध्ये पोहचवलं होतं. त्याच्या कारकिर्दीबद्दल बोलायचं झालं, तर त्याला ऑस्ट्रेलियासाठी ३६ कसोटी सामने खेळण्याची संधी मिळाली. त्याला जास्त कसोटी सामने खेळण्याची संधी मिळाली नव्हती. मात्र टी-२० संघात त्याने स्थान मिळवलं होतं.
मॅथ्यू वेडची ऑस्ट्रेलियाच्या कोचिंग स्टाफमध्ये निवड करण्यात आली आहे. येत्या काही दिवसात ऑस्ट्रेलियाचा संघ पाकिस्तानविरुद्ध टी-२० मालिका खेळताना दिसून येणार आहे या मालिकेदरम्यान तो कोचिंग स्टाफमध्ये असणार आहे.
'मला चांगल्याने माहीत होतं की, टी-२० वर्ल्डकपनंतर झाल्यानंत माझी आंतरराष्ट्रीय कारकिर्द संपली होती. गेल्या ६ महिन्यांपासून माझी जॉर्ज बेली आणि अँड्रयू मॅकडॉनल्डसोबत निवृत्तीबाबत चर्चा सुरु आहे. गेल्या काही वर्षांपासून मला कोचिंग करायची होती. आता मला चांगली संधी मिळाली आहे. मी बिग बॅश लीग आणि फ्रेचांयझी क्रिकेट खेळणं सुरु ठेवणार आहे.'
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.