AUS vs SA, Semi Final: .. तर दक्षिण आफ्रिकेला मिळणार थेट फायनलचं तिकीट; समोर आलं मोठं कारण

South Africa vs Australia World Cup Semi Final Latest Update:

वर्ल्डकप २०२३ स्पर्धेतील सेमीफायनलचा दुसरा सामना दक्षिण आफ्रिका आणि ऑस्ट्रेलिया या दोन्ही संघांमध्ये रंगणार आहे. या सामन्यावर पावसाचं सावट असल्याचा अंदाज हवामान खात्याने वर्तवला आहे. हवामान खात्याने दिलेल्या माहितीनूसार, १६ आणि १७ नोव्हेंबर रोजी जोरदार पाऊस पडणार असल्याचा अंदाज वर्तवण्यात आला आहे. त्यामुळे हा सामना रद्द केला जाऊ शकतो. (Kolkata Weather Today)

बंगालमध्ये जोरदार पावसाचा अंदाज..

हवामान खात्याने दिलेल्या माहितीनूसार, १६ आणि १७ नोव्हेंबर रोजी बंगालच्या काही भागात पावसाच्या जोरदार सरी बरसणार आहेत. इतकच नव्हे तर, १६ ते १८ नोव्हेंबर दरम्यान मच्छिमारांनाही समुद्रात जाण्यावर बंदी घालण्यात आली आहे. (AUS vs SA Weather Update)

या सामन्यात पाऊस हजेरी लावण्याची शक्यता अधिक आहे. त्यामुळे हा सामना आज पूर्ण होऊ शकणार नाही. आनंदाची बाब म्हणजे या सामन्यासाठी राखीव दिवस ठेवण्यात आला आहे. जर हा सामना आज पूर्ण होऊ शकला नाही तर, उद्या (१७ नोव्हेंबर) म्हणजे राखीव दिवशी हा सामना खेळवण्यात येईल. (Latest sports updates)

पावसामुळे सामना रद्द झाल्यास कसा लावला जाईल निकाल?

जर हा सामना पूर्ण होऊ शकला नाही तर राखीव दिवशी सामना खेळवला जाईल. राखीव दिवशी सामना तितूनच सुरु होईल जिथे हा सामना थांबवण्यात आला होता. जर राखीव दिवशीही सामना पूर्ण होऊ शकला नाही तर दक्षिण आफ्रिकेला अंतिम फेरीचं तिकीट मिळेल. (Cricket World Cup)

कारण दक्षिण आफ्रिकेचा संघ गुणतालिकेत दुसऱ्या स्थानी आहे. तर ऑस्ट्रेलियाचा संघ गुणतालिकेत तिसऱ्या स्थानी आहे. असं झाल्यास अहमदाबादच्या मैदानावर भारत आणि दक्षिण आफ्रिका या दोन्ही संघांमध्ये वर्ल्डकप फायनलचा सामना पाहायला मिळू शकतो.