आशियाई क्रीडा २०२३ स्पर्धेत भारतीय नेमबाजांचा बोलबाला पाहायला मिळाला आहे. स्पर्धेच्या आठव्या दिवशीही नेमबाजांनी भारताला पदक जिंकून दिलं आहे.
भारतीय नेमबाज पृथ्वीराज टोंडीमन, के चेनाई आणि जोरावर सिंग यांच्या दमदार कामगिरीच्या जोरावर भारताला सुवर्णपदक मिळालं आहे.
आशियाई क्रीडा २०२३ स्पर्धेतील हे भारताचे नेमबाजीतील सातवे सुवर्णपदक आहे. पृथ्वीराज टोंडीमन, के चेनाई आणि जोरावर सिंग यांनी मेन्स टीम ट्रॅप शूटिंग इव्हेंटमध्ये हे पदक पटकावलं आहे. तर भारतीय महिला खेळाडूंनी देखील या इव्हेंटमध्ये बाजी मारली आहे.
मनीषा किर, राजेश्वरी कुमारी आणि प्रीती रजकने वुमेन्स टीम ट्रॅप शूटिंग इव्हेंटमध्ये भारताला रौप्यपदक जिंकून दिलं आहे. आतापर्यंत भारताने या स्पर्धेत एकूण ४१ पदकांची कमाई केली आहे. ज्यात ११ सुवर्णपदकांचा समावेश आहे. (Latest sports updates)
नेमबाजीत भारतीय खेळाडूंचा बोलबाला..
भारताकडून रुद्रांक्ष पाटील, ऐश्वर्य तोमर आणि दिव्यांश पवारने १० मीटर एअर रायफल टीम इव्हेंटमध्ये भारताला सुवर्णपदक जिंकून दिलं होतं.
तर रिदम सांगवान, ईशा सिंग आणि मनू भास्करने २५ मीटर पिस्तूल टीम इव्हेंटमध्ये भारताला सुवर्णपदक जिंकून दिलं होतं. त्यानंतर सिफ्त कौरने वुमेन्स ५० मीटर रायफल ३ पोझिशन इव्हेंटमध्ये भारताला सुवर्णपदक जिंकून दिलं होतं.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.