अर्जुन पुरस्कार विजेते बॅडमिंटनपटू नंदू नाटेकर यांचं निधन

नंदू नाटेकर हे माजी राष्ट्रीय चॅम्पियन भारतीय बॅडमिंटनपटू होते. नाटेकर यांनी 15 वर्षांच्या कारकीर्दीत भारतासाठी १०० पेक्षा जास्त राष्ट्रीय आणि आंतरराष्ट्रीय विजेतेपद जिंकले. 1956 मध्ये नाटेकर हे परदेशात विजेतेपद जिंकणारे पहिले भारतीय होते.

नाटेकर हे स्पोर्ट्स अँड फिटनेस (एनएसएफ) चे संचालक होते. त्यांनी एकूण सहा वेळा पुरुष दुहेरी राष्ट्रीय स्पर्धा जिंकली होती. पुरुष एकेरी राष्ट्रीय चॅम्पियनशिप एकूण सहा वेळा आणि मिश्र दुहेरी राष्ट्रीय स्पर्धेत एकूण पाच वेळा जिंकली होती.

ते मुंबईतील रामनारायण रुईया महाविद्यालयाचे माजी विद्यार्थी होते. त्यांचा मुलगा गौरव नाटेकर टेनिस स्पर्धेत सात वेळा भारतीय राष्ट्रीय चॅम्पियन आहे. त्यांचे 28 जुलै -2021 रोजी पुण्यात निधन झाले आहे.

Edited By: Pravin Dhamale