Rashid Khan Marriage: राशिद खानने वचन मोडलं! या सौंदर्यवतीसोबत थाटला संसार, पाहा PHOTO

Rashid Khan Marriage: अफगाणिस्तानचा स्टार फिरकीपटू राशिद खानने आपल्या फॅन्सला वचन दिलं होतं की, अफगाणिस्तानच्या फॅन्सला वचन दिलं होतं की, जोपर्यंत अफगाणिस्तानला वर्ल्डकप जिंकून देत नाही, तोपर्यंत लग्न करणार नाही.

मात्र आता त्याने हे वचन मोडलं आहे. जगभरातील दिग्गज फलंदाजांची दांडी गुल करणारा राशिद खान आता स्वतः क्लीन बोल्ड झाला आहे. राशिद खान विवाह बंधनात अडकला असून त्याने आपल्या नव्या इनिंगला सुरुवात केली आहे. राशिद खानसह त्याचे आणखी ३ भाऊ लग्न बंधनात अडकले. या विवाह सोहळ्याला अफगाणिस्तान संघातील स्टार खेळाडूंनी देखील हजेरी लावली होती.

कोण आहे राशिद खानची बायको?

राशिद खानचा शाही विवाह सोहळा गुरुवारी (३ ऑक्टोबर) पार पडला. राशिदला जिने क्लीन बोल्ड केलंय, ती नक्की कोण? हे अजूनही कळू शकलेलं नाही. माध्यमातील वृत्तानुसार, राशिदने आपल्या जवळच्या नातेवाईकाच्या मुलीसोबत संसार थाटला आहे. त्याच्या लग्नाची पोस्ट व्हायरल होताच क्रिकेट फॅन्ससह, स्टार क्रिकेटपटूंनी देखील त्याला शुभेच्छा द्यायला सुरुवात केली आहे.

राशिद खानने वर्ल्डकप जिंकण्याचं वक्तव्य केलं होतं. त्याने वर्ल्डकप जिंकला नसला तरी आपल्या संघाला त्याने टी -२० वर्ल्डकपच्या सेमीफायनलमध्ये पोहोचवलं. तर वनडे वर्ल्डकप २०२३ स्पर्धेत त्याने आपल्या संघाला जवळजवळ सेमी फायनलमध्ये प्रवेश करून दिला होता. मात्र महत्वाच्या सामन्यात त्यांना ऑस्ट्रेलियाकडून पराभवाचा सामना करावा लागला.

राशिद खानच्या गोलंदाजीबद्दल बोलायचं झालं, तर तो आपल्या फिरकी गोलंदाजीसाठी ओळखला जातो. जगभरातील दिग्गज फलंदाज त्याच्या फिरकीवर नागीण डान्स करताना दिसून येतात. तो आयपीएलसह जगभरातील अनेक टी -२० लीग स्पर्धांमध्ये खेळताना दिसून येत असतो. सध्या तो अफगाणिस्तानच्या टी -२० संघाचा कर्णधार आहे. त्याने अफगाणिस्तानसाठी खेळताना आतापर्यंत ३७३ गडी बाद केले आहेत. यासह टी -२० क्रिकेटमध्ये त्याने ६१३ गडी बाद केले आहेत.