Ind vs Afg : भारताविरुद्ध वनडे, कसोटीसाठी टीम अफगाणिस्तान जाहीर; हुकमी एक्का संघाबाहेर

अफगाणिस्तानचा संघ जूनमध्ये तीन सामन्यांची वनडे मालिका आणि एकमेव कसोटी मालिका खेळण्यासाठी भारत दौऱ्यावर येत आहे. या भारत दौऱ्यासाठी अफगाणिस्तान क्रिकेट बोर्डाने संघाची घोषणा केली आहे. वनडे मालिका आणि कसोटी सामन्यात हश्मतुल्लाह शाहिदी हा कर्णधार असेल. या महत्वाच्या दौऱ्याची सुरुवात कसोटी सामन्याने होणार आहे. ६ जूनपासून न्यू चंदीगडमध्ये मुल्लांपूर मैदानात कसोटी सामन्याला सुरुवात होईल.

अफगाणिस्तानचा दिग्गज खेळाडू राशिद खान भारताच्या विरुद्ध होणाऱ्या एकमेव कसोटी सामन्यात खेळणार नाही. राशिद हा कसोटीऐवजी मर्यादित षटकांच्या सामन्यांवर लक्ष केंद्रीत करणार आहे. त्यामुळेच या कसोटी सामन्यात बेंचवर बसण्याचा निर्णय त्याने घेतला आहे. तर भारताविरुद्धच्या वनडे मालिकेसाठी तो उपलब्ध असणार आहे. राशिदच्या अनुपस्थितीत कसोटीत शराफुदीन अशरफ आणि कैस अहमद हा फिरकी गोलंदाजीची जबाबदारी सांभाळणार आहे.

भारताविरुद्ध होणाऱ्या कसोटी मालिकेसाठी अफगाणिस्तान संघाने बदल केले आहेत. निवड समितीने अब्दुल मलिक, रहमानुल्लाह जदरान, शराफुद्दीन अशरफ यांना कसोटी संघात स्थान दिलं आहे. तर रहमत शाह आणि गुरबाज यांसारख्या खेळाडूंनाही संधी दिली आहे. इकरम अलिखिल तसेच अफसर जजई यांना विकेटकीपर म्हणून संघात स्थान दिले आहे. अफगाणिस्तान संघाने वेगवान गोलंदाजीची जबाबदारी नवख्या खेळाडूंवर सोपवली आहे. नांग्याल खारोताई, बिलाल सामी, जिया शरीफी आणि सलीम सफी यांचा संघात समावेश केला आहे.

भारताविरुद्ध अफगाणिस्तानचा वनडे संघ

हश्मतुल्लाह शाहिदी (कर्णधार), रहमानुल्लाह गुरबाज, इब्राहित जदरान, सेदिकुल्लाह अटल, दरविश रसुली, रहमत शाह, इकराम अलिखिल, मोहम्मद नबी, अजमतुल्लाह उमरजाई, राशिद खान, नांग्याल खारोताई, एएम गजनफर, जिया यू रहमान शरीफी, फरीद मलिक, बिलाल सामी

राखीव - कैस अहमद, सलीम सफी, बशीर अहमद.

भारताविरुद्धच्या एकमेव कसोटी सामन्यासाठी अफगाणिस्तानचा संघ -

हश्मतुल्लाह शाहिदी (कर्णधार), सेदिकुल्लाह अटल, रहमत शाह, रहमानुल्लाह गुरबाज, अब्दुल मलिक, जदरान, अफसर जजई, इकराम अलिखिल, शराफुदीन अशरफ, अजमतुल्लाह उमरजई, नांग्याल खारोताई, कैस अहमद, बिलाल सामी, जिया शरीफी, सलीम सफी

राखीव - बशीर अहमद, बहिर शाह, इस्मत आलम