प्लॅस्टिकची विल्हेवाट लावण्यासाठी मुंबई महानगरपालिकेचा अनोखा उपक्रम ...

रस्त्यावर सातत्याने पडणारे खड्डे, निकृष्ट दर्जाचे रस्ते , यामुळे मुंबईतील वाहनचालक बेजार होऊन जातात . त्यामुळे आता दर्जेदार रस्ते मुंबईकरांना देण्यासाठी आणि प्लॅस्टिकमुक्त मुंबईसाठी महापालिकेने संयुक्त प्रकल्प हाती घेतलाय. नेमकं काय पाहुयात या रिपोर्ट मधून .

मुंबईच्या रस्त्यांवरचे खड्डे मुंबईत चांगले रस्ते आहेत , तसेच खराब आणि सतत खड्डे पडणारे रस्ते देखील आहेत . ज्या रस्त्यांवरून मुंबईकरांचा प्रवास करताना अडव्हेंचर केल्याचा अनुभव मिळतो . हे रस्ते कधी चांगले होणार असा मुंबईकरांना प्रश्न कायम आहे . त्याच बरोबर पावसाळ्यात मुंबईतल्या नाल्यांमध्ये , रस्त्यावर प्लॅस्टिकमुळे पाणी साचण्याच्या घटना सातत्याने घडत असतात . या प्लास्टिकच विघटन देखील होत नाही . त्यामुळे या वेस्ट प्लास्टिकचा वापर मुंबईकरांना दर्जेदार आणि खड्डेमुक्त रस्ते देण्यासाठी महापालिका करणार आहे . मुंबई महापालिका आता  मुंबई पालिकेच्या अखत्यारीतील रस्ते बनवण्याच्या कामात प्लास्टिकचा वापर करणार आहे .

मुंबईत एकूण रस्त्यांपैकी २ हजार किलोमीटरचे रस्ते मुंबई पालिकेच्या अखत्यारीत येतात . या रस्त्यांची देखभाल कंत्रातदारांमार्फत पालिका करत असते . त्यामुळे या वर्षी महापालिका २४ प्रभागात ३० टेंडरच्या माध्यमातून १४ शे कोटी रुपये खर्चून १५७ किमी लांबीचे नवे रस्ते तयार करणार आहे . यात १४५ रस्ते सिमेंट काँक्रीट तर १२ रस्ते डांबरीकरणाचे केले जाणार आहेत . यामध्ये डांबरीच्या रस्त्याच्या वरच्या थरांमध्ये ३० मिमीच्या थरांमध्ये ५% मटेरियल प्लास्टिकचा वापरण्यात येणार आहे . तसे आदेशच कंत्राटदारांना पालिकेने दिले आहेत .

रस्त्यामध्ये प्लास्टिकचा वापर झाल्यास हे रस्ते ठोस नसतील, आणि त्यात लवचिकपणा देखील असेल . या रस्त्यांवर खड्डे पडण्याची शक्यता देखील कमी असते . तसेच हे रस्ते बराच काळ टिकणारे असल्यामुळे त्याची सतत डागडुजी करावी लागणार नाही, आणि त्यामुळे पैसे पालिकेचे दगडुजीसाठीचे वाचणार आहेत . त्यामुळे मुंबईकरांसाठी ही महापालकेची नवी योजना प्रवास सुखकर करणारी असेल असं म्हणायला हरकत नाही .