Railtel Recruitment: सरकारी कंपनीत नोकरी करण्याची सुवर्णसंधी;अप्रेंटिस पदासाठी भरती सुरु; पात्रता काय? जाणून घ्या

सरकारी नोकरीच्या शोधात असणाऱ्या तरुणांसाठी महत्त्वाची बातमी आहे. अनेकदा सरकारी नोकरी म्हटल्यावर आपल्याला परीक्षा द्यावी लागणार तरच नोकरी मिळणार, असे वाटते. परंतु अनेक सरकारी कंपन्यामध्ये विविध पदांसाठी भरती सुरु आहे. अनेक विभागात भरती असते. सरकारी कंपनी रेलटेल कॉर्पोरेशन ऑफ इंडिया लिमिटेडमध्ये नोकरी करण्याची सुवर्णसंधी आहे. या नोकरीसाठी इच्छुक उमेदवारांनी लवकरात लवकर अर्ज करावेत.

रेलटेल कॉर्पोरेश ऑफ लिमिटेडने अप्रेंटिस पदासाठी भरती जाहीर केली आहे. या नोकरीसाठी उमेदवार NATS (National Apprentice training system) च्या अधिकृत वेबसाइट nats.education.gov.in वर क्लिक करा.

रेलटेल कॉर्पोरेशन ऑफ इंडियामध्ये ४० रिक्त पदांसाठी भरती केली जाणार आहे. या नोकरीसाठी अर्ज करण्याची शेवटची तारीख ३० नोव्हेंबर २०२४ आहे.

अर्ज करणाऱ्या उमेदवाराने इंजिनियरिंग/ टेक्नोलॉजी मध्ये तीन वर्षाचा डिप्लोमा केलेला असावा. या नोकरीसाठी अर्ज करणाऱ्या उमेदवाराने संबंधित शाखेत ६० पेक्षा जास्त गुण प्रा्त केलेले असावे. १८ ते २७ वयोगटातील उमेदवार या नोकरीसाठी अर्ज करु शकतात.

या नोकरीसाठी अर्ज करणाऱ्या उमेदवाराची निवड मुलाखतीद्वारे केली जाणार आहे. मुलाखतीत शॉर्टलिस्टिंग केल्यानंतर फिटनेस परीक्षा घेतली जाणार आहे. त्यानंतरच अंतिम निवड केली जाणार आहे. या नोकरीसाठी ग्रॅज्युएट इंजिनियर पदासाठी १४,००० रुपये स्टायपेंड मिळणार आहे.डिप्लोमा इंजिनियर पदासाठी १२००० रुपये पगार मिळणार आहे.