Maha Metro Recruitment: खुशखबर! महा मेट्रोमध्ये नोकरीची संधी; पगार मिळणार २,८०,००० रुपये; अर्ज कसा करावा?

महाराष्ट्र मेट्रो रेल कॉर्पोरेशन लिमिटेडमध्ये नोकरी करण्याची सुवर्णसंधी तुमच्याकडे आहे. महा मेट्रोमध्ये नागपूर, पुणे, ठाणे, नवी मुंबई येथे भरती केली जाणार आहे. या ठिकाणी विविध प्रकल्पांसाठी वरिष्ठ आणि तांत्रिक पदांसाठी भरती केली जाणार आहे. महामेट्रोमध्ये काम करण्याची संधी तुमच्याकडे आहे. (Maha Metro Recruitment)

महा मेट्रोमधील नोकरी

या नोकरीसाठी अर्जप्रक्रिया सुरु झाली आहे. या नोकरीसाठी अर्ज करण्याची शेवटची तारीख १० ऑक्टोबर २०२५ आहे. ही भरती पाच वर्षांच्या करारावर होणार आहे. चांगल्या पदावर काम करण्याची ही उत्तम संधी आहे. या नोकरीसाठी निवड झाल्यावर तुम्हाला ४०,००० ते २,८०,००० रुपये पगार मिळणार आहे.

महा मेट्रोमधील या भरती मोहिमेत चीफ प्रोजेक्ट मॅनेजर (सिग्नलिंग), डेप्युटी जनरल मॅनेजर (लँड मॉनिटायझेशन, सेफ्टी आणि ट्रेनिंग), सेक्शन इंजिनियर (इलेक्ट्रिकल आणि मेकॅनिकल, टेलिकम्युनिकेशन) या पदांसाठी भरती केली जाणार आहेत.

या भरती मोहिमेत पदानुसार शैक्षणिक पात्रता वेगवेगळी आहे. चीफ प्रोजेक्ट मॅनेजर (सिग्नलिंग) पदासाठी उमेदवारांनी इलेक्ट्रॉनिक्स किंवा टेलिकम्युनिकेशन शाखेतून बी.ई किंवा बी.टेक पदवी प्राप्त केलेली असावी. या नोकरीसाठी १९ वर्षांचा अनुभव आवश्यक आहे. डेप्युटी मॅनेजर पदासाठी ७ वर्षांचा अनुभव असावा.

या नोकरीसाठी तुम्हाला अर्ज जनरल मॅनेजर (एचआर), महाराष्ट्र मेट्रो रेल कॉर्पोरेशन लिमिटेड, मेट्रो भवन, दीक्षाभूमीजवळ, नागपूर ४४००१० येथे पाठवायचा आहे. १० ऑक्टोबरपूर्वी तुम्ही अर्ज पाठवावेत. या नोकरीबाबत सविस्तर माहिती www.mahametro.org या वेबसाइटवर देण्यात आली आहे. त्यानुसार तुम्ही पात्रतेनुसार अर्ज करावेत.