BMC Job: बृहन्मुंबई महानगरपालिकेत नोकरीची संधी; ६९० रिक्त जागा; पात्रता काय? अशा प्रकारे करा अर्ज

सरकारी नोकरीच्या शोधात असणाऱ्या तरुणांसाठी महत्त्वाची बातमी आहे. बृहन्मुंबई महानगरपालिकेत विविध पदांसाठी भरती सुरु आहे. नगर अभियंता खात्यात ही भरती केली जाणार आहे. ६९० रिक्त पदांसाठी ही भरती करण्यात येणार आहे. (BMC Recruitment)

बृहन्मुंबई महानगरपालिकेच्या नगर अभियंता मध्यवर्ती कार्यालयाद्वारे ही जाहिरात प्रसिद्ध करण्यात आली आहे.या भरतीबाबत सविस्तर माहिती तुम्ही अधिकृत वेबसाइटवर जाऊन चेक करु शकतात. या नोकरीसाठी १८ ते ४३ वयोगटातील उमेदवार अर्ज करु शकतात. सरकारी विभागात पर्मनंट नोकरी मिळवण्याची ही चांगली संधी आहे. कनिष्ठ अभियंता (सिव्हिल), कनिष्ठ अभियंता (इलेक्ट्रिकल/मेकॅनिकल) पदासाठी भरती आहे.त्यानंतर स्थापत्य अभियंता पदासाठीही भरती सुरु आहे. (BMC Recruitment 2024)

या नोकरीसाठी इच्छुक उमेदवारांनी लवकरात लवकर अर्ज करा. सिव्हिल इंजिनियर पदासाठी उमेदवाराने सिव्हिल आणि कन्स्ट्रक्शन टेक्नोलॉजीमध्ये डिप्लोमा केलेला असावा.तर मेकॅनिकल आणि इलेक्ट्रिकल इंजिनियर पदासाठी उमेदवाराने इलेक्ट्रिकल, ऑटोमोबाईल इंजिनियरिंगमध्ये डिप्लोमा केलेला असावा.

या नोकरीसाठी अर्ज करण्याची शेवटची तारीख १६ डिसेंबर २०२४ आहे. बृहन्मुंबई महानगरपालिकेतील ही भरती परिक्षेद्वारे केली जाणार आहे. तुम्हाला ऑनलाइन परीक्षा द्यावी लागणार आहे. (BMC Job News)