AOC Recruitment: इंडियन ऑर्डिनेंस कॉर्पोरेशनमध्ये नोकरीची संधी, तब्बल ७२३ पदांसाठी भरती; पात्रता काय? जाणून घ्या

नोकरीच्या शोधात असणाऱ्या तरुणांसाठी आनंदाची बातमी आहे. इंडियन ऑर्डिनेंस कॉर्पोरेशनमध्ये नोकरीची सुवर्णसंधी आहे. इंडियन ऑर्डिनेंस कॉर्पोरेशनमध्ये ग्रुप सी पदांसाठी भरती सुरु आहे. या नोकरीसाठी इच्छुक उमेदवारांनी लवकरात लवकर अर्ज करावेत.

इंडियन ऑर्डिनेंस कॉर्पोरेशनमध्ये ट्रेड्समॅन मेट, फायरमॅन, ज्युनिअर ऑफिसर असिस्टंट, मटेरिअल असिस्टंट पदासाठी भरती जाहीर करण्यात आली आहे. या नोकरीसाठी अर्जप्रक्रिया २ डिसेंबरपासून सुरु झाली आहे. या नोकरीसाठी अर्ज करण्याची शेवटची तारीख २२ डिसेंबर २०२४ आहे.

इंडियन ऑर्डिनेंस कॉर्पोरेशनमध्ये ७२३ पदांसाठी भरती जाहीर करण्यात आली आहे. ज्यातील ट्रेड्समॅन पदासाठी ३८९ जागा रिक्त आहेत. तर फारमॅन पदासाठी २४७ जागा रिक्त आहेत. तर मटेरियल असिस्टंट पदासाठी १९ जागा रिक्त आहेत. ज्युनिअर ऑफिस असिस्टंट पदासाठी २७ जागा रिक्त आहेत. (AOC Recruitment)

या नोकरीसाठी १८ ते २७ वयोगटातील उमेदवार अर्ज करु शकतात. १०वी पास ते डिप्लोमाधारक उमेदवार या नोकरीसाठी अर्ज करु शकतात. या नोकरीसाठी तुम्ही ऑनलाइन पद्धतीने अर्ज करु शकतात.उमेदवारांनी aocrecruitment.gov.in या वेबसाइटवर जाऊन अर्ज करायचा आहे. त्यानंतर आवश्यक कागदपत्रे अपलोड करायचा आहे. त्यानंतर उमेदवारांची शॉर्टलिस्टिंग केली जाणार आहे.

या नोकरीसाठी निवड झालेल्या उमेदवारांना देशाच्या संरक्षण व्यवस्थेत योगदान देण्याची संधी मिळते. त्यामुळे नोकरीसोबतच तुम्हाला देशसेवाही करता येणार आहे. (Government Job)

NCERT मध्ये नोकरी

सध्या NCERT मध्ये नोकरी करण्याची सुवर्णसंधी तुमच्याकडे आहे. Educationists/Researchers या पदासाठी ही भरती जाहीर करण्यात आली आहे. NCERT रिसर्च असोसिएटशिप योजनेअंतर्गत ही भरती करण्यात येणार आहे. या नोकरीसाठी इच्छुक उमेदवारांनी लवकरात लवकर अर्ज करावेत.